Vox Espainiako eskuin muturreko alderdiak arratsaldean Bilbon Gorteetarako hauteskundeetako mitin bat egin du, Euskalduna jauregian, eta protestara deitu dute hainbat eragile antifaxistek. Ertzaintza oldartu egin zaie horiei: pilotakadak bota ditu, lagun batzuk zauritu dituzte ertzainek, eta, gutxienez, lau atxiloketa izan dira. Bilboko kaleetan liskar handiak gertatzen ari dira.
Eguerdian Donostian egin du ekitaldia Voxek, eta han ere tentsio une batzuk izan dira. Ondoren, Santiago Abascal Voxeko presidentegaiak Twitterreko bere kontuan salatu du Eusko Jaurlaritzaren onespenez gertatu dela haien aurkako erasoa, eta eskatu du arratsaldean Bilbon antzeko egoera gertatuz gero Poliziak indarra erabiltzeko "proetarren" aurka.
Donostian 300 bat lagun elkartu dira Voxen ekitaldiaren aurka protesta egiteko. Manifestazioa egin dute aurrena, Antikapitalistak, Asade, Askapena, Askekintza, CNT, Donostiako Bilgune Feminista eta Ongi Etorri Errefuxiatuak eragileek deituta, Faxistak Euskal Herritik kanpora lelopean. Besteak beste, ikur antifaxistak, ikurrinak, Herrialde Katalanetako esteladak eta LGTBI kolektiboaren eta euskal presoen aldeko banderak hartuta joan dira, Kursaal jauregiko atariraino. Barruan ziren Voxeko jarraitzaileak. Ertzaintza manifestariak Kursaalaren ataritik kanporatzen aritu dira, bultzaka eta kolpeka, Irutxuloko Hitza-ren bideoetan ikus daitekeenez. Faxistak kanpora egin dute oihu protestara bildu direnek.
Ertzaintzaren furgoiak Kursaalaren atarira etorri dira eta, bultzaka, herritarrak eraikinaren sarreratik aldendu dituzte @irutxulopic.twitter.com/bGilMeukim
— Iñaki Agirre (@ikiagirre) 2019(e)ko apirilaren 13(a)
Hau da panorama orain: Kursaalaren ataria babestuta eta Voxeko kideak barruan. Espainiako banderak astintzen ari dira sarreran @irutxulopic.twitter.com/tSiBtYBlHy
— Iñaki Agirre (@ikiagirre) 2019(e)ko apirilaren 13(a)
Barruan, Santiago Abascal Voxeko burua egon da ekitaldian, jarraitzaileekin batera. Ekitaldiaren amaieran, Espainiako banderekin atera dira, eta Ertzaintza antifaxistei oldartu zaie Voxekoak atera zitezen. Berri agentzien arabera, "enfrentamenduren bat" ere gertatu da protestan zirenen eta Abascalen jarraitzaileen artean, eta Ertzaintzak "bat edo beste" identifikatu du. "Ez du ezertarako balio", esan du Voxek: "Espainia biziak ez dio beldurik ez ezeri, ez inori".
Hau da panorama orain: Kursaalaren ataria babestuta eta Voxeko kideak barruan. Espainiako banderak astintzen ari dira sarreran @irutxulopic.twitter.com/tSiBtYBlHy
— Iñaki Agirre (@ikiagirre) 2019(e)ko apirilaren 13(a)
Voxeko kideak Kursaaletik ateratzen hasi dira, Ertzaintzak babestuta eta Espainiako banderak astinduz. Batzuek dantzan ere egin dute @irutxulopic.twitter.com/XrLHbQeFuU
— Iñaki Agirre (@ikiagirre) 2019(e)ko apirilaren 13(a)
🚨🚨🚨 Esto es lo que han tenido que soportar los asistentes al acto de VOX con @Santi_ABASCAL en San Sebastián al entrar y al salir del acto.
— VOX 🇪🇸 (@vox_es) 2019(e)ko apirilaren 13(a)
Es inútil lo que hagáis, la #EspañaViva no tiene miedo a nada ni a nadie ðŸÂÂÂÂÂ’ªðŸ‡ªðŸ‡¸ pic.twitter.com/KjFyxPaYRx
