Albistea entzun

Eskumenen transferentzia

Eskuduntza baterako adostasuna lortuta, bihar egingo dute Batzorde Mistoa Jaurlaritzak eta Madrilek

AP-68 autobideko Arabako eta Bizkaiko zatien kudeaketaren transferentzia eginda, Foru Aldundiek bereganatuko dute Araba, Bizkai eta Gipuzkoako errepide guztien kudeaketa. Bihar bilduko dira Madril eta Jaurlaritza, bideokonferentziaz, arratsaldeko 16:30tan

Joan den azaroan egin zuten azkenekoz transferentziei buruzko Batzorde Mistoa, Bilbon.
Joan den azaroan egin zuten azkenekoz transferentziei buruzko Batzorde Mistoa, Bilbon. Luis Jauregialtzo / Foku

Berria -

2019ko apirilak 15

Hainbat astez lau transferentzien eskualdatzearen negoziazioetan aritu ostean, Eusko Jaurlaritzak jakinarazi du iritsi direla Madrilekin akordio batera, AP-68 autobidearen kudeaketa eskualdatzeko. Joan den ostegunetik "negoziazio biziak" izan dituztela jakinarazi dute Jaurlaritzako iturriek, eta asteburuan hitzarmena lotu nahian ibili ostean, gaur egin dute akordioa. Bihar egingo dute, bideokonferentziaz, Batzorde Mistoa Jaurlaritzako eta Madrilgo ordezkariek eskualdatzea ofizial egiteko. Bertan izango dira Josu Erkoreka Jaurlaritzako bozramailea, Pedro Azpiazu eta Arantxa Tapia.

Joan den ostegunean jakinarazi zuen Jaurlaritzak ezadostasun handiena transferentzien balorazio ekonomikoaren inguruan zrela. Lakuak eskatu zuen kontzertu ekonomikoaren araberako akordioa lotzeko, eta bestelako neurri ekonomikoak baliatu nahi zituen Madrilek. Gaur lortutako akordioaren arabera, Jaurlaritzak bere egingo du Araba, Bizkai eta Gipuzkoako errepide sarearen kudeaketa, eta, ondoren, Foru Aldundiei egingo die eskumenaren transferentzia. 2026 bitarte, ordea, Jaurlaritzak bere egingo du Abertis enpresarekin Madrilek zuen kontratuta, eta, gainera, ordainsaria izango du autobideak.

Eskumena bere eginda, Jaurlaritzak bi milioi euro gutxiago ordainduko dizkio Kupoan Madrili.

Gainontzeko transferentziak

Jaurlaritzak, gainera, adierazi du bi aldeek hartu dutela "konpromisoa" lanean segitzeko, egiteke diren gainontzeko transferentziak epean betetzeko. Hain justu, AP-68ko kudeaketaren transferentziaz gain, produktu farmazeutikoen legeen aplikazioa, ohiko erretiroaren aurretiko laguntzak enplegu erregulazio espedienteen eraginez kaltetutakoentzat eta eskola asegurua dituzte negoziatzeke oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.