Albistea entzun

Espainiako hauteskundeak

Estebanek ziurtatu du EAJk ez duela babestuko PSOEren eta Ciudadanosen arteko gobernu bat

Elkarrekin Podemosek ohartarazi du "arriskua" ez dela Vox, Ciudadanos baizik. EAJri eskatu dio konpromisoa har dezala PSOEren eta Ciudadanosen arteko gobernu bat ez ahalbidetzeko.

Aito Esteban Espainiako Kongresurako EAJren Bizkaiko zerrendaburua, artxiboko irudi batean.
Aito Esteban Espainiako Kongresurako EAJren Bizkaiko zerrendaburua, artxiboko irudi batean. Luis Tejido/EFE

Berria -

2019ko apirilak 16 07:09

Roberto Uriarte Espainiako Kongresurako Elkarrekin Podemosen Bizkaiko zerrendaburuak zuzenean egin dio eskaria EAJri: argi esan dezala ez diola babesik emango PSOEren eta Ciudadanosen arteko balizko gobernu bati. "Ez PSOEk, ezta EAJk ere, ez dute bermatzen ez dutela Riverarekin gobernatuko". Uriarteren esanetan, gizartearen benetako "arriskua" Albert Rivera Ciudadanoseko burua da eta horretan bat dator EAJko presidente Andoni Ortuzarrekin. Aldiz, Uriarteren iritziz, litekeena da hauteskundeen ondoren EAJk Ciudadanosekin akordiotara iritsi nahi izatea, eta herritarrei adieraztea Riveraren alderdia "moderatzen ari dela eta Kontzertu Ekonomikoa onartuko duela". Aukera hori guztiz baztertzeko eskatu dio.

Goiz berean erantzun du EAJk. Aitor Esteban Kongresurako EAJren Bizkaiko zerrendaburuak ziurtatu du alderdi jeltzaleak ez duela babestuko PSOEren eta Ciudadanosen arteko gobernu bat. Haren esaneta, "porrot egin zuen 2016ko agintaldian", PSOEk eta Ciudadanosek sinatu zuten akordioaren gisako egoera bat gertatuko balitz, EAJk "koherentziaz" jokatuko du.

Estebanek nabarmendu du PSOEk eta Ciudadanosek 2016an akordioa sinatu zutenean, "eskumenen gaineko esku hartzea" salatu zuela EAJk. Estebanek gaineratu du EAJk bere hitza betetzen duela eta Mariano Rajoyren inbestiduraren kontra bozkatu zuela, aurretik iragarri zuen bezala. PSOEk, berriz, bere abstentzioarekin Rajoyren izendapena ahalbidetu zuela gogorarazi du.

Uriartek ziurtzat jo du PSOE Ciudadanosekin akordioa lortzen saiatuko dela hauteskundeen ondoren, zenbakiek horretarako aukera ematen badiete. Adierazi du PSOEren barruko hainbat sektorek, Ibex-35ak, botere faktikoek eta botere mediatikoek horretara bultzatuko dutela. Uriartek ez du uste EAJk Ciudadanosi egin dizkion kritikak Riverarekin akordiorik lortuko ez duenaren berme direnik. "Tristea litzateke EAJrekin gertatu zena berriz ere gertatzea. Aznar sekulako arriskua zela esan zuen eta gero Arzalluz ikusi genuen esanez Aznar agintari bikaina zela eta sentsibilitate handia zuela euskal herritarrekiko eta transferentziekiko". Uriartek ohartarazi du antzeko egoera suertatu daitekeela Elkarrekin Podemosek "gobenua baldintzatzeko nahikoa indar ez badu".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.