Albistea entzun

Aberri eguna

Bozkatzera deitzeko baliatuko du EAJk Aberri Eguna, "Euskadiren lidergoa bikoizteko"

Bilboko Plaza Barrian ospatuko dute jeltzaleek Aberri Eguna. Bertan izango dira, besteak beste, Iñigo Urkullu lehendakaria eta Andoni Ortuzar EBBko burua. "Topaguneak" bilatu beharra aldarrikatu du Aitor Esteban hautagai jeltzaleak.

Zarate eta Esteban. /
Zarate eta Esteban. / EAJ-PNV Tamaina handiagoan ikusi

Berria -

2019ko apirilak 18 09:29

Igandean, Bilboko Plaza Barrian, bilduko dira jeltzaleak urtero moduan Aberri Eguna ospatzeko. Aurtengoa berezia izango da, gainera, bi huateskundeen atarian egingo baita, Espainiako Gorteetarakoak apirilaren 28an eta Europa, foru eta udaletakoak maiatzaren 26an. Hori dela eta, bozkatzera joateko garrantzia gogoratuko dute igandeko ekitaldian.

"Aberri Egun honetan nabarmendu nahi dugun helburu nagusia da behar besteko indar demokratikoa sortu nahi dugula gure herriaren proiektua gure udalerrietan, gure herrialdeetan, Espainiako estatuan eta Europa osoan bultzatzen jarraitzeko", azaldu du Mireia Zaratek EBBko idazkariak, ekitaldia aurkezteko egindako agerraldian. Zaratek gogorarazi du badela "nazio askatasun osoa lortzeko borondate irmoa" duen herri bat, eta hori hautetsontzietan islatu beharra dagoela.

Espainiako Kongresurako Bizkaiko zerrendaburu jeltzaleak, Aitor Estebanek, kritikatu egin ditu politika "inposaketa" gisara ulertzen eta elkarrizketak baztertzen dituztenak. "Topaguneak bilatu behar ditugu burujabetza partekatua nagusi den eta gero eta konplexutasun handiagoekin aurkezten zaigun mundu honetan. Hurkoari uko egitea ez delako konponbideak bilatzeko bidea", adierazi du Estebanek.

Goizeko 11:30ean hasiko dute jeltzaleek ekitaldi nagusia. Hitza hartuko dute Estebanek berak, Iñigo Urkullu lehendakariak eta Andoni Ortuzar EBBko presidenteak, hurrenez hurren. Horiez gain, ekitaldian izango dira, besteak beste, Euzkadi Buru Batzarreko kideak, Eusko Jaurlaritzakoak, Herrialde Buru Batzarretakoak, hiriburuetako alkateak, diputatu nagusiak, Uri Buru Batzarretako presidenteak, Kongresu eta Senaturako hautagaiak eta EAJren diputatua Europako Parlamentuan. Ondoren bazkaria egingo dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...