Espainiako hauteskundeak

Jordi Sanchezek "erreferendum adostu bat" eskatu dio PSOEri, sostenguaren truke

JxCATeko hautagaiak Soto del Realeko espetxetik egin du agerraldia bideo konferentzia bidez, atzean Espainiako bandera eta erregearen argazkia zituela.

Jordi Sanchez, Espainiako bandera eta erregearen argazkia atzean dituela. /
Jordi Sanchez, Espainiako bandera eta erregearen argazkia atzean dituela. / EFE

Arantxa Elizegi Egilegor -

2019ko apirilak 18

Soto del Realen (Espainia) dago preso Jordi Sanchez, eta Espainiako fiskaltzak 25 urte arteko kartzela zigorra eskatu du harentzat, "matxinada antolatu eta bultzatzea" egotzita. Ondorioz, bideo konferentzia bidez parte hartu behar izan du EFE albiste agentziak hauteskundeekin lotuta antolatutako prentsaurrekoan. Horretarako baimena atzo eman zion Espainiako Hauteskunde Batzordeak.

Sanchezek ez die aipamenik ez batari ez besteari, baina Katalunian erreferendum bat egitearen beharraz aritu da agerraldian. Buruzagi independentistak babesa eskaini dio PSOEko presidentetzarako hautagaiari, hark erreferenduma egiteko aukera onartzen badu. "Junts per Catalunyak ez du irtenbide bat inposatuko [Kataluniako auzian], baina ez du elkarrizketarako baldintzarik ere onartuko".

JxCATeko hautagaiak ohartarazi du oker dagoela uste duenak irtenbidea hautestontzietatik at dagoela. "Uste dugu PSOEk lankide egonkor bat behar duela, ezin du jarraitu egoera blokeatzen duen taldearen baitan". Baina, aldi berean, Ciudadanosekiko akordio batekiko arriskuez ere ohartarazi du ANCko presidente izandakoak: "Argi dago PP, Ciudadanos eta Vox ez direla gai gehiengo egonkor bat egiteko. Kataluniarentzat dagoen arrisku handiena da Ciudadanosen eta sozialisten arteko balizko akordio batean 155. artikuluaren aplikazioa jasotzea".

Nabarmentzekoa izan da, baita ere, espetxeko arduradunek agerraldirako prestatutako agertokia. Areto huts batean mahaiaren atzean eserita ageri da Sanchez, baina haren atzean agertzen diren Espainiako bandera eta erregearen argazkia dira esanguratsuenak. Agerraldirako horiek jarri izana salatu du Carles Puigdemont buruzagiak ere: "Erdian preso politiko bat. Gora eskuinera, a por ellos hura bultzatu eta Jordi Sanchezek urte bat eta erdi behin-behineko atxiloaldian egin izanaren arrazoia. Soberan daude hitzak". 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Donostian eginiko PCR proba bat ©Gorka Rubio, Foku

Alemaniak Hego Euskal Herrira ez bidaiatzea aholkatu du

Berria

Hego Euskal Herritik Alemaniara joaten diren bidaiariek aurrez PCR proba egin beharko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna