Ipar Irlanda

Bi gazte galdekatu dituzte herenegun Derryn izandako hilketaren harira

Lyra McKee kazetaria da hildakoa. Ipar Irlandako Polizia "ekintza terrorista" gisa ari da ikertzen gertatutakoa.

BERRIA Tamaina handiagoan ikusi

Arantxa Elizegi Egilegor -

2019ko apirilak 19

Ipar Irlandan urte beltzenen giroa zabaldu da egunotan. Derryn herenegun gauean izandako istiluetan kazetari bat hil zuten, eta, horren harira, poliziak bi lagun galdekatu zituen atzo, 19 eta 18 urtekoak. Lyra McKee da hildako kazetaria. Mulroy Park eta Galliagh barrutietan zeuden liskarrak grabatzen ari zen, sakelako telefonoarekin, kazetari talde batekin batera. Polizia operazio zabala egiten ari zen auzo horietan. 

"Errepublikar disidenteak indarkeriazko ekintzak prestatzen ari dira. Aste Santuko asteburuan erabil ditzaketen armen bila ari gara", adierazi zuen aurretik Mark Hamilton poliziaburuak. 

Baina operazioa zabalik zela liskarrak piztu ziren. Hainbat pertsonek molotov koktelak jaurti zizkieten polizien ibilgailuei eta su eman zieten beste bi autori. "50 koktel inguru jaurti dizkigute. Hau guztia antolatutako ekintza bat izan da", adierazi dute segurtasun indarrek.

Gaueko 23:00 inguruan hasi zen tiroketa. Une hartan jende asko zegoen kalean, zer gertatzen ari ote zen ikustera irtendakoa. McKee ere kalean zen, eta tiroz zauritu zuen erasotzaileak. Erietxera eraman zuten berehala, baina ezin izan zuten ezer egin. Iturri ofizialek ez dute zehaztu zauritu gehiagorik ote dagoen. 

IRA Berria egiten dute erasoaren erantzule, eta gertatutakoa "ekintza terrorista" balitz bezala ari dira ikertzen. Ipar Irlandarako ordezkari Karen Bradleyk gaitzetsi egin du 29 urteko kazetariaren hilketa, eta gogorarazi du herritarren gehiengoak etorkizun baketsua nahi duela Ipar Irlandarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Laura Borras JxCren presidentegaia, atzo, primarioetako garaipena ospatzen, Bartzelonan. ©Marta Perez, EFE

Laura Borras hautatu dute JxCren presidentegai

Gorka Berasategi Otamendi

Kataluniako alderdi independentistaren primarioetan, botoen %75 jaso ditu. Alde nabarmenarenik gailendu zaio beste hautagaiari, Damia Calvet Lurralde kontseilariari.

Jair Bolsonaro presidentearen gertukoen sostengua nabarmen murriztu da. / ©Antonio Lacerda, FE

Zentro-eskuina izan da nagusi Brasilgo udal hauteskundeetan

Arantxa Elizegi Egilegor

PT Langileen Alderdiak ez du ordezkaritzarik eskuratu hiri nagusietan, eta behera egin dute Bolsonaroren aldekoek ere.

Sinn Fineko militanteak

Pat Finucane abokatuaren hilketaz beste ikerketa bat agindu dezake Londresek

Arantxa Elizegi Egilegor

Gorenak ebatzi zuen iaz ez zela egin «ikerketa eraginkorrik». Irlandako Atzerri ministroak ohartarazi du hartzen duen erabakiak erakutsiko duela Erresuma Batuak «egia eta adiskidetzearekiko duen konpromisoa»

Meteoritoak argia eta eztanda handi bat sortu ditu. ©BERRIA

Meteorito bat lehertu da Japoniaren gainean

Berria

Eztanda handia entzun da Kanto eskualdean, objektua 150 tona TNTren pareko indarrarekin lehertu denean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.