Museoak

Ehunka bisitari Txillida Lekun, aurreneko lau egunetan

Asteazkenean zabaldu zuten Hernaniko (Gipuzkoa) museoa, zortzi urteren ostean. Bisitari ugari gerturatzen ari dira Eduardo Txillidaren eskulturekin gozatzera.

Bisitari batzuk eskultura bati begira
Bisitari batzuk eskultura bati begira Jon Urbe / Foku

Urtzi Urkizu -

2019ko apirilak 20

Komunikabideentzako eta erakunde publikoentzako aurkezpenen ostean, asteazkenean zabaldu zuten jende guztiarentzat Hernaniko (Gipuzkoa) Txillida Leku museoa. Zabalaga baserrian, 1940ko urteen amaieratik 2000. urtera bitarteko 90 lan jarri dituzte.

Mikel Txillida eskultorearen biloba eta museoko komunikazio arduradunak esan du jendea "oso pozik" ikusi dutela egunotan. "Jende asko gerturatzen ari da". Asteazkenean, lehen egunean, 700 bisitari izan zituzten; bigarrenean, 650 inguru; eta atzo, mila baino gehiago. Gaur ere ehunka bisitari gerturatu dira naturaren erdian dagoen museora. Horietako asko, Kataluniakoak. "Aitonarentzat bere Euskal Herri txikia zen toki hau", gaineratu du komunikazio arduradunak. "Basoen artean, burdina". Zortzi urtez egon da museoa itxita. Etapa berrian, instalazioak hobetu dituzte; kafetegi bat eta denda bat jarri dituzte, esate baterako. Zuzendari berria Mireia Massague da. "Lokaletik mundu guztia iristen ahaleginduko gara", esan zuen aurkezpenean.

Aurreko etapan ikusi ezin ziren bi eskultura ere ikusgai daude: Argiaren bila III eta Burdinaren laudoriotan III.

Museoa ikusteko sarrera ordaindu behar da, eta egunero dago zabalik, astearteetan izan ezik. Laster, ikastetxeetako bisitak ere hasiko dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna