Errepideak
Emakume bat hil da Gasteizen auto istripu batean
A-1 autobidean jazo da ezbeharra, andrearen ibilgailua errepidetik atera denean
2019ko apirilak 20
Gaur goizean izan da istripua, Jundiz parean. Irunerako norabidean zihoan ibilgailua, eta errepidetik atera da. Bakarrik zihoan autoan. Larri zaurituta geratu da, eta larrialdi zerbitzuak heldu direnerako, hilotz zen.
Eusko Jaurlaritzako Segurtasun Sailaren arabera, emakumea Mungiakoa (Bizkaia) zen, eta 41 urte zituen. Ertzainek ikerketa bat jarri dute martxan istripua zerk eragin duen jakiteko.
Ez da eguneko istripu bakarra izan. Araban bertan, Zuian, Altubeko errepide zaharrean, istripua izan du gizon batek gaur eguerdian, eta ibilgailutik irten ezinik geratu da. Poliziaren laguntza behar izan du. Erietxera eraman dute ondoren.
