Albistea entzun

Ipar Irlanda

IRA Berriak aitortu du beraiek hil zutela Lyra McKee kazetaria, "tragikoki"

"Barkamena" eskatu die IRA Berriak kazetariaren bikotekideari, senideei eta lagunei: "Etsaia erasoan ari zela, Lyra McKee tragikoki hil zen indar etsaien ondoan zegoela". 57 urteko emakume bat atxilotu du gaur Poliziak. Ostiral Santuaren bezperan, ostegun gauean, liskar handiak izan ziren Derryn.

Polizia Derryn, Lyra McKee tirokatu zuten lekuan.
Polizia Derryn, Lyra McKee tirokatu zuten lekuan. JOE BOLAND / NORTH WEST NEWSPIX

Hodei Iruretagoiena -

2019ko apirilak 23 10:02

"Etsaia erasoan ari zela, Lyra McKee tragikoki hil zen indar etsaien ondoan zegoela". Horrela aitortu du IRA Berriak kazetari gaztearen hilketa, eta "benetako barkamena" eskatu die haren bikotekideari, senideei eta lagunei. "Ostegun gauean, britainiar koroaren indarrak goraino armatuta sartu ziren Creggan auzoan, eta IRAk bere boluntarioak atera zituen". IRA Berriak salatu duenez, "probokatzera" joan zen Polizia. McKee beste kazetari batzuekin batera zegoen polizia auto baten ondoan, eta tiroketaren erdian, hari jo zion bala batek. Gaur, 57 urteko emakume bat atxilotu du Poliziak hilketaren lotuta, Belfast Telefraph hedabideak zabaldu duenez. Creggan auzoan atxilotu dute andrea, ostegun gaueko istiluak izan ziren lekuan. Galdeketa egitera eraman dute.

Joan den ostegunean, Derry hiriko Mulroy Park eta Galliagh auzo errepublikanoetan hainbat miaketa egin zituen Poliziak, su armen bila, filtrazio baten arabera asteburuan polizien kontrako erasoak egitekoak zirelako. Orduan piztu ziren McKeeren heriotza ekarri zuten istiluak; batez ere, Creggan auzoan. Gazte talde batek molotov koktelak jaurti zizkien poliziei, 50 inguru, eta su eman zien bi polizia autori. 23:00 inguruan, berriz, tiroketa hasi zen, eta orduan jaso zuen tiroa Lyra McKeek, beste kazetari batzuekin batera polizien artean zegoela.

Gertatutakoa grabatzen ari zen sakelako telefonoarekin polizia auto baten atzealdean babestuta. Erietxera eraman zuten, baina han hil zen 29 urteko gaztea. McKee Belfasten jaiotakoa zen, eta duela gutxi joan zen bikotekidearekin bizitzera Derryra. Kaliforniako Mediagazar atarirako editore lanak egiten zituen, eta liburu bat prestatzen ari zen gatazkan desagertutako gazteen inguruan. LGTB komunitateko ekintzailea ere bazen, eta erreferente bat zen gay eta lesbianen eskubideen aldeko borrokan.

Atxilotuak, kargurik gabe aske

Polizia "ekintza terrorista" gisa ikertzen ari da gertatutakoa, eta 18 eta 19 urteko bi gazte atxilotu eta galdekatu zituen larunbatean, baina kargurik gabe aske utzi dituzte.

IRA Berria 2012an jaio zen, hiru milizia batu ondoren. Benetako Irlandako Armada Errepublikanoa ere seinalatu dute egunotan; 1997an sortu zen hura, barne zatiketa batetik, eta uhartearen batasuna lortzeko borroka armatua defendatzen du. Sortu eta gutxira, 1998an, bonba-auto bat jarri zuen Omaghen. Ekintza horretan 29 lagun hil zituzten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ebrahim Raisi Irango presidentea (eskuinean), herenegun, Teherango Unibertsitatean, Ikasle Egunaren ospakizunerako ekitaldi batean. ©EFE

Iranek herritar bat exekutatu du, hilabeteotako protestekin lotuta

Gorka Berasategi Otamendi

Estatuko indarren agente bat labanaz zauritzea egotzi diote kondenatuari. Protesten harira auzipetutakoen arteko lehen exekuzio jakinarazia da. Irango justiziak gehiago iragarri ditu

Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...