Albistea entzun

Parte hartzea

Araban izan ezik, asko handitu da parte hartzea

Bizkaian eta Nafarroan, %75etik gorakoa izan da parte hartzea; Gipuzkoan, hamar puntu igo da 2016ko datuekin alderatuta. Araban, apalagoa izan da hazkundea: 3,84 puntu.

Herritar batzuk, Espainiako Gorteetarako bozketarako botoa prestatzen, Barañaingo(Nafarroa) hautesleku batean.
Herritar batzuk, Espainiako Gorteetarako bozketarako botoa prestatzen, Barañaingo(Nafarroa) hautesleku batean. Iñigo Uriz/Foku

Berria -

2019ko apirilak 28

Hautagai nagusi guztiek nabarmendu dute gaurko bozketan parte hartzearen garrantzia, eta pentsatzekoa da herritarrek ere garrantzia eman diotela botoa emateari. Izan ere, Espainiako Gorteetarako izan ziren azken hauteskundeekin alderatuta, gora egin du parte hartzeak, nabarmen. 14:00ak arteko datuek hala islatu dute lehenik, eta 18:00ak artekoetan berretsi egin da joera. Hego Euskal Herriko lau herrialdeetan atzeman da igoera, eta nabarmena izan da Nafarroan, Bizkaian eta Gipuzkoan. Araban, berriz, apalagoa izan da.

Igoerarik handiena Gipuzkoan izan da. Bozkatzeko eskubidea duten herritarren %73,78k eman dute botoa. Hau da, 2016an eman zuen herritar kopurua baino 10,5 puntu gehiago.

Parte hartze handiena, hala ere, Bizkaian izan da. %75,26k eman dute botoa gaur, 2016ko hauteskundetan baino 9,29 puntu gehiago.

Nafarroan ere %75ko langa gainditu dute. 7,77 puntu handitu da parte hartzea, eta erroldakoen %75,17k eman dute botoa.

Parte hartze handiagoa izan da Araban ere, baina igoera, apalagoa: 3,84 puntu.

Katalunian, nabarmen gora

Katalunian parte hartzearen datua esanguratsua da. Hazkunde nabarmena izan du 2016ko datuen aldean: 13,95 puntu hazi da. Historikotzat jo daiteke parte hartzea, %77,37koa izan delako.

Espainian ere handitu da parte hartzea, baina maila apalagoan. Espainiako Barne Ministerioaren datuen arabera, %75,57 izan da. Igoera 9,1 puntukoa izan da.

 

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.