Noiz sortua: 2019-05-06 07:18:08

Ezbeharra

Erlezain bat ikertzen ari dira Alesbesen erle eraso batengatik

Zaldi gainean zihoazen lau emakumek jasan zuten erasoa Tafalla inguruan. Lesioak leporatu dizkiote erlezainari erlauntzak jartzeko arauak ez betetzeagatik.

Erleak, aurkitutako 50 erlauntzen inguruan. /
Erleak, aurkitutako 50 erlauntzen inguruan. / Nafarroako Foruzaingoa/@policiaforal_na Tamaina handiagoan ikusi

Berria -

2019ko maiatzak 6

Nafarroako Foruzaingoa Alesbesko erlezain bat ikertzen ari da, milaka erlek zaldi gainean zebiltzan lau emakumeri eraso ostean. Foruzainek jaso dutenez, lau emakumeek Tafalla inguruan jasan zuten erasoa, zaldi gainean paseatzen zebiltzala. Etxalde baten ondotik pasatzean eraso zieten, eta, ondorioz, Tafallako osasun etxean artatu behar izan zituzten.

Emakumeetako batek lokazti batean hartu zuen babes, baina, arnasa hartzeko burua handik atera behar zuenez, ezin izan zituen erleen ziztadak saihestu erabat. Beste bat zalditik erori zen, eta orno bat hautsi zuen. Zalditegiko arduradunei deitzea lortu zuten, eta horiek euren gorputzak jantziz estali eta emakumeak lagundu ahal izan zituzten. Zaldiek ere jaso zituzten erleen ziztadak, batik bat bizkarrean, lepoan eta buruan.

Foruzainak joan zirenean, erleek eurei ere eraso zieten. Handik metro batzuetara 50 erlauntza aurkitu zituzten, baina ezin izan ziren autotik jaitsi, eta ezin izan zuten ikusi erlauntzek identifikaziorik zuten edo erleez ohartarazten zuen bide-seinalerik ba ote zen.

Foruzaingoaren Ingurumen Ikerketa Taldea ondoren joan zen, eta, erlezaina identifikatu ondoren, salatu egin zuten erlauntzak bide batetik gutxieneko distantziara ez jartzeagatik eta udalaren beharrezko baimena ez izateagatik. Zalditegiko arduradunek azaldu dutenez, bezperan ez zegoen erlauntzik bide horretan, eta beste bezero batzuekin inolako arazorik gabe zeharkatu zuten. Lesio delitua leporatu diote erlezainari.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna