Gure Esku dinamikak erreferendumaren aldeko herri ekimenaren aurkezpen bira bat abiatuko du hilaren 13an, Barakaldon (Bizkaia), eta ekainaren 6ra arte denera hamabi saio egingo ditu. "Etapa berrirako helburu argi bat mahaigaineratu zuen Gure Eskuk martxoaren 31n Bilbon, Euskalduna Jauregian egindako ekitaldian: gure etorkizuna erreferendum bidez erabakitzea posible egitea", esan du dinamikak, prentsa ohar batean. Horretarako, “erronka kolektibo bat” izan nahi duen herri ekimena sustatuko du.
Egitasmoa "mota guztietako eragileekin" partekatzen ari da Gure Esku, eta, aurkezpen birarekin, "herritarren konplizitatea eta konpromisoa" lortu nahi ditu. Aurkezpen ekitaldietan parte hartuko dute Amalur Alvarez eta Josu Etxaburu dinamikako bozeramaileek.
Erreferendum bidez erabakitzea lortzeko herri ekimen bat sustatuko du #GureEsku|k datozen hilabeteetan. Erronka kolektibo berri honen gakoak ezagutarazteko, aurkezpen bira bati ekingo diogu laster.#EgizuPosible egin zaitez bazkide! https://t.co/7T8k572Fclpic.twitter.com/2Q0dbqZrTz
— Gure Esku (@Gure_Esku) 2019(e)ko maiatzaren 7(a)
Bazkidetza kanpaina
Egizu posible lelopean bazkide kanpaina abian du Gure Eskuk, eta gakotzat jo du bazkidetza aski zabaltzea, helburu berriei "indartsu" heltzeko. Aurreko astean Twittterren jakinarazi zuen bi mila bazkide dituela.
.@omnium: 160.000 bazkide@assemblea: 70.000 bazkide@Gure_Esku|n 2.000 bazkide izanda honaino iritsi gara. Indarrak gehitu behar ditugu orain, aurrera egiteko. #EgizuPosible egin zaitez bazkide!
— Gure Esku (@Gure_Esku) 2019(e)ko maiatzaren 2(a)
ðŸ–ÂÂÂï¸Â https://t.co/7T8k572Fclpic.twitter.com/zh8WFV44tI