Joan den larunbatean deitu zuen Sarek elkarretaratzera, Martinen gaineko "zaintza zorrotza" eta "Ertzaintzaren une oroko presentzia" salatzeko. Inaxio Oiarzabal plataformako bozeramaileak azaldu duenez, presoaren zaintza "nabarmen" aldatu da "azken orduetan", Sarek berak eta presoaren senide eta lagunek eginiko eskarien ondorioz. "Gizatasuna eskatzen genuen, zurruntasun gutxiago izatea eta presoaren egoera kliniko konplexuan ahalik eta gutxien eragitea".
Ertzaintzak jarrera aldatu arren, Sarek elkarretaratzeari eustea erabaki du, "Txusek eta bere senideek jasan behar izan duten tratua salatzeko eta larriki gaixo diren presoen berehalako etxeratzea eskatzeko".
Sarek euskal presoen eskubideekiko errespetua eskatu du, eta larriki gaixo dauden presoen kasuan, "dagokien tratamendua espetxetik kanpo eta senideekin jaso ahal izateko" aukera izatea.
Sareren ustez, ETAren desagertzearen ostean eta euskal presoek legedia errespetateko eginiko hautuaren ostean, ez du "inolako zentzurik" presoei "osasunerako eta bizitzarako eskubidea" ukatzea, "salbuespen legediaren" bitartez.
📽ï¸Ã‚ Sarek Txus Martin eta larriki gaixo diren presoen etxeratzea eskatu eta azken egunetan Txusek eta bere senideek jasandako tratu gizagabea salatu du https://t.co/77hFX1PzKm#GaixoLarriakEtxera#TxusMartinEtxerapic.twitter.com/CySTj09Yle
— Sare #OrainPresoak👌ðŸ—ÂÂ🕊 (@sare_herritarra) 2019(e)ko maiatzaren 7(a)