Ertzaintzak banaka atera ditu Gipuzkoako aldundiaren egoitzaren barruan zeuden zahar etxeetako langileak. Protesta egitera sartu dira goizean, eta Poliziak arrastaka atera ditu. Arantxa Iraola BERRIAko kazetariak bertatik eman du gertatutakoaren berri.
Emakumeak kaleratzen hasi dira ertzainak, arrastaka. Diputazio aurrean, hesi bat egin dute ertzainek. Ezin da hurbildu. Bat atera dute. Banaka aterako dituztela dirudi. @LABsindikatua@berriapic.twitter.com/Pcr8C5cCHO
— Arantxa Iraola (@ArantxaIraolaAl) 21 de mayo de 2019
@LABsindikatua@berria Ertzainak diputazio aurrean, eta protestan ari diren langileak, barruan oraindik. Lanerako zailtasunak; argazkiak edo bideoak egiteagatik jendea identifikatzen ari dira ertzainak, baita kazetariak ere. Argazkian, kanpoko elkarretaratzea, urrutira. pic.twitter.com/nEVFhc6ORr
— Arantxa Iraola (@ArantxaIraolaAl) May 21, 2019
Ane Sarriegi eta Eneka Urbieta Ertzaintzak eraikinetik atera dituen langileetako bik adierazi dutenez, poliziek jakinarazi diete ezin dutela Foru Jauregiaren barruan egon, eta langileak arrastaka ateratzen hasi dira. Protestan ari ziren beharginak identifikatu dituztela ere adierazi dute. Horrez gain, inguruan argazkiak ateratzen aritu den hainbat herritar ere identifikatu ditu Ertzaintzak; tartean, Arantxa Iraola BERRIAko kazetaria eta Foku enpresako argazkilari bat.
Atera aurretik, jendea identifikatzen ari dira. 20 emakume inguru dira, denak identifikatuko dituztela dirudi. Kanpoan, hainbat pertsona identifikatu gaituzte argazkiak egiteagatik. Ane Sarriegi da kanporatu dutenetako bat, bideoan haren hitzak. @berria@LABsindikatuapic.twitter.com/yYM3ylo6yV
— Arantxa Iraola (@ArantxaIraolaAl) 21 de mayo de 2019
@LABsindikatua@berria Atera duten beste emakumeetako bat, Eneka Urbieta. "Galtzarbetatik helduta atera gaituzte". Txalo artean, gehiago ere ateratzen ari dira. pic.twitter.com/Ysolnzvqkq
— Arantxa Iraola (@ArantxaIraolaAl) May 21, 2019
Ertzaintzak langileak aldundiaren egoitzatik atera ahala, txaloka jaso dituzte kanpoan elkarretaratzea egin duten langileek.
Txalo hotsa besterik ez da entzuten emakume bat ateratzen den bakoitzean. Ertzainek atean jarraitzen dute; hesi bat dira. Argazkilariak identifikatzen jarraitzen dute. @berria@LABsindikatuapic.twitter.com/TUqY6DDOFz
— Arantxa Iraola (@ArantxaIraolaAl) 21 de mayo de 2019
Azken langilea eraikinetik atera ostean, langileek txalo artean amaitu dute mobilizazioa, protestekin etsitzeko asmorik gabe. Adierazi dutenez, mobilizazioekin aurrera jarraituko dute "hitzarmena lortu arte".
Goizean sartu dira Gipuzkoako zahar etxeetako langileak aldundiko egoitzaren atarian, herrialdeko agintariei konponbidearen alde egiteko eskatuz, LABek antolatutako protestan. Zahar etxeetako beharginek hilabeteak daramatzate lan itunaren aldeko mobilizazioetan, iazko urritik —5.000 inguru dira, gehienak emakumeak—. LABek, esaterako, hamazazpi greba egun egin ditu dagoeneko; ELAk, dozenaka. Lan baldintza hobeak nahi dituzte, eta gaur egun arlo horretan dituzten zailtasunak gainditzea.
Diputazioaren egoitzan sartu orduko, segurtasun zaindariak kontu eske etorri zaizkie: argazkirik eta zaratarik ez egiteko eskatu diete. Lurrean eserita jarraitu dute langileek, sirena eta txistu hotsa ateraz. Kanpoan, beste dozenaka kide bildu dira, haiei babesa emateko. "Gure asmoa da hemen jarraitzea, iluntzera arte", adierazi dute LABeko kideek. Gaua pasatzeko ere prest daudela esan dute. Argi dute aldarria: "Hitzarmena orain".
@LABsindikatua@berria Barruan txistu hotsak ez du etenik. Lurrean eserita Gipuzkoako zahar etxeetako langileak, ia denak andreak. Ia guztiz "feminizitatuta" dago alorra, zaintzarekin guztiz lotua. pic.twitter.com/qgVZuFwFHa
— Arantxa Iraola (@ArantxaIraolaAl) 2019(e)ko maiatzaren 21(a)
"Gure asmoa da hemen jarraitzea, iluntzera arte". Gaua pasatzeko ere prest daude. Argi dute aldarria: "Hitzarmena orain". Kalea hartzeko asmo osoa dute Gipuzkoako zahar etxeetako langileek. LABen protesta. @berriapic.twitter.com/ogV5EFCagJ
— Arantxa Iraola (@ArantxaIraolaAl) 2019(e)ko maiatzaren 21(a)
Gaur hasi eta hilaren 25era arteko grebaldirako deia eginda dutela gogorarazi dute sindikatuko kideek, eta diputaziora sartzean egin duten urratsak ez duela atzera-bueltarik: ateratzen dituzten arte jarraitu nahi dute han. "Hemen egongo gara".
Ertzainak ere agertu dira diputazioko atarira, eta protestako arduradunak identifikatu dituzte. Andreak ziren diputazioaren atarian lurrean eserita zeuden ia denak. Sektorea ia guztiz "feminizatuta" dagoela ekarri dute gogora, zaintzarekin guztiz lotua.
