Noiz sortua: 2019-05-21 13:54:46

Musika

Amaitu dira sarean Berri Txarrak taldearen sarrerak, ekainaren 21ean Donostian emango duen kontzerturakoak

11:30ean jarri dituzte sarrerak salgai, eta ordu laurden eskasean saldu dira denak. Adarra saria jasoko du taldeak egun horretan.

Berri Txarrak taldea, joan den astean, Bilbon.
Berri Txarrak taldea, joan den astean, Bilbon. Luis Jauregialtzo / Foku

Berria -

2019ko maiatzak 21

Atzo jakinarazi zuten aurtengo Adarra saria —Donostiako Udalak artista baten musika ibilbidea aitortzeko ematen duen saria— Berri Txarrak taldearentzat izango dela, eta gaur 11:30ean jarri dituzte taldeak ekainaren 21ean Viktoria Eugenia antzokian emango duen kontzerturako sarrerak; 11:45erako, baina, denak salduta zeuden.

Juan Gonzalez Andres kazetariak, Etxepare Institutuko zuzendari Irene Larrazak eta Donostia Kulturako Jaione Askasibarrek osatutako batzordeak musika taldearen «ibilbide artistiko eta profesionala» eta Euskal Herrian zein atzerrian «publikoarengan duen eragin izugarria» hartu ditu kontuan saria emateko, prentsa oharrean zehaztu dutenez: «Berri Txarrak-en emanaldiek arrakasta handia izan dute herrialde askotan, eta taldeak milaka jarraitzaileri eskaini dizkie kontzertuak bost kontinenteetako agertokietan».



Horrez gain, jakinarazpenean nabarmendu dutenez, kontuan hartu dute taldeak musikarekiko eduki duen dedikazioa eta euskal kulturarekiko izandako «ardura eta errespetua» ere.

David Gonzalezek (baxua), Galder Izagirrek (bateria) eta Gorka Urbizuk (ahotsa eta gitarrak) osatzen dute Berri Txarrak taldea. Ez ditu beti kide berak izan, baina. Lekunberrin (Nafarroa) sortu zutenean, 1994an, Aitor Goikoetxea (bateria), Mikel Lopez Rubio (baxua) eta Aitor Oreja (gitarra) zituen Urbizuk taldekide. Mende laurdeneko ibilbidean, zortzi disko eta disko hirukoitz bat eman dituzte argitara, eta iazko abenduan jakinarazi zuten «etenaldi mugagabea» egingo zutela beren ibilbidean. Ordutik, Ikusi Arte Agur biran ari dira, eta sarrerak berehalakoan amaitzen dituzte, eta neurri guztietako aretoak bete.

Joan den astean jakinarazi zuen taldeak uztailaren 14an kontzertu berezi bat emango duela Bilbon, Kobetamendin.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste hamalau positibo eta hiru hildako jakinarazi dituzte Hego Euskal Herrian

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantenduz eta orokortuz» gero.

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespena izan da, eta, zoritxarrez, irudi mediatiko bilakatu da»

Bidasoko Hitza

Ekainaren 30ean Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna