Atzoko ospakizunen ondotik, Lehen Mailara igo dela ospatzen jarraituko du gaur Osasunak. Bira bat egiten ari da Iruñeko kaleetan barrena, lorpena zaleekin batera gozatzeko. Ospakizunak izaera formala ere izan du gaurkoan. Talde gorritxoari harrera egin diote Nafarroako Gobernuak eta Iruñeko Udalak. Bira amaitzeko, San Fermini eskerrak emango dizkiote jokalariek, santuaren kaperan.
Taldea 17:30ean abiatu da Sadar futbol zelaitik, sabairik gabeko autobus batean. Zaragoza etorbidetik egin du aurrera, eta 18:00ak pasata iritsi da taldea Nafarroa Jaurregira.
Iritsi dira jokalariak Nafarroako Jauregira, une batetik bertzera hasiko da ekitaldi instituzionala pic.twitter.com/s0MwLq1csC
— Ainhoa Larretxea (@Ainhoaa8) 2019(e)ko maiatzaren 21(a)
Bertan, harrera egin die Uxue Barkos Nafarroako jarduneko lehendakariak. Ondoren, jauregiko balkoira irten dira jokalariak, zaleak agurtzera.
Jokalariak balkoira atera dira. Kantuan ari dira zaleekin batera. Hemendik udaletxera joanen dira eta bertan Joseba Asiron alkateak eginen die harrera pic.twitter.com/5WQ9pDtNXF
— Ainhoa Larretxea (@Ainhoaa8) 21 de mayo de 2019
Gobernuaren egoitzatik, Sarasate pasealekua hartu eta Kale Berritik sartu da taldea Alde Zaharrera, Iruñeko udaletxeraino. 19:15ean, Joseba Asiron jarduneko alkateak hartu ditu jokalariak. Udaletxeko balkoira irtengo dira segidan. Sekulako jendetza aurkitu dute zain. Sanferminetako giroa aurreratu du talde gorritxoak hirian.
Azkenik, Kale Nagusitik barrena, San Ferminen kaperara joango dira, santuari eskerrak ematera. 21:00etan izango da hori.
Bira amaitutakoan, jokalariak, talde teknikoa, zuzendaritza eta langileak afari ofiziala egingo dute hiriko hotel batean.
Osasunak eta haren zaleek ez dute gaur arte itxaron igoera ospatzeko. Atzo, Iruñeko Gaztelu plazan bildu ziren milaka jarraitzaile, igoera matematikoki ziurtatu zuen Albaceteren eta Granadaren arteko partida amaitu bezain laster. Bertan itxaron zioten taldeari. Jokalariak, talde teknikoa eta zuzendaritza iritsi orduko, kantu eta oihuek hartu zituzten Iruñeko kaleak.
😠IKARAGARRIA ðŸ˜ÂÂÂÂÂÂÂÂÂÂÂÂÂÂÂÂÂ#ItzuliGara#GorrizAmestupic.twitter.com/Bg3l1nt8ZW
— C. A. OSASUNA (@caosasuna_eus) 20 de mayo de 2019
Hautagaiak, gorritxo
Oraingoan, hauteskunde kanpaina betean iritsi da Lehen Mailarako jauzia, eta talde nafarraren lorpena ez zaie oharkabean pasa indar politikoetako hautagaiei.
Uxue Barkos Nafarroako jarduneko lehendakari eta Geroa Bairen zerrendaburuak zale gorritxo guztiak zoriondu ditu "merezitako" igoerarengatik.
Ametsa errealitate bihurtu da!! Enhorabuena a @caosasuna y a toda la afición rojilla por el merecido ascenso a Primera División. Zorionak! #GorrizAmestu#SueñaEnRojo 🔴🔵
— Uxue Barkos (@uxuebarkos) 20 de mayo de 2019
Joseba Asiron Iruñeko jarduneko alkateak berriro ere Lehen Mailara igo direlako zoriondu ditu gorritxoak. "Lehen Mailakoak gara, taldea, zaleak eta hiria ere lehen mailakoak direlako".
Somos de Primera porque el equipo, la afición y la ciudad son de Primera. Zorionak gorritxoak... lehen Mailara berriro ere!! @CAOsasunapic.twitter.com/DGI1iJRM8l
— Joseba Asiron Saez (@josebaasiron) 20 de mayo de 2019
Javier Esparza Navarra Suma koalizioko zerrendaburuak eskerrak eman dizkio taldeari, "denboraldi historiko" batekin zaleak gozarazteagarik. "Osasuna Lehen Mailakoa da berriz, eta Nafarroa futbol profesionalaren elitera itzuli da. Beti sinistu dugu gure klubean, eta beti babestu dugu; une gozoetan eta garratzetan. Aupa Osasuna!" idatzi du bere Twitter kontuan.
Bakartxo Ruiz EH Bilduren lehendakarigaiak ere Osasuna zoriondu du, eta koalizioaren hauteskundeko leloa baliatu du, EH Bilduk bere buruari egokitu dion izenondoa talde gorritxoari ere jartzeko: #Geldiezina traolarekin bidali du zorion mezua.
Gau berezi honetan, ZORIONAK, gorritxoak! @caosasuna_eus geldiezina! #Imparable#Geldiezina
— Bakartxo Ruiz (@BakartxoR) 20 de mayo de 2019
Maria Txibite PSNko idazkari nagusi eta alderdiko hautagaiak nabarmendu du ongi egindako lanak bere uzta izan duela azkenean. Hark ere hauteskunde leloa erabili du Osasunaren garaipena ospatzeko: "Posible egin duzue. Txapeldunak!".
Ahal Dugu-ko lehendakarigai Mikel Builek ere Osasuna zoriondu du Twitterreko bere kontuan. "Lehen Mailara! Orain zaleekin ospatzera", idatzi du.
Marisa de Simon Ezkerrako zerrendaburuak igoera ospatzera deitu du "familia osasunista".
