Roger Torrent Kataluniako Parlamentuko presidentea Euskal Herrian da. Atzo Arnaldo Otegi EH Bilduko koordinatzaile nagusiarekin bildu zen, Bilbon, eta gaur arratsaldean Iñigo Urkullu Eusko Jaurlaritzako lehendakariarekin batu da, Gasteizen. "Egoera politikoa aztertzeaz gainera, helburu bera duten bi herriren arteko elkarlanaz aritu gara: burujabetza eta errepubliken eraikuntzan aurrera egitea", esan du Otegik.
Harekin ez ezik, EH Bilduko ordezkaritza batekin elkartu zen Torrent.
Bilera egin dut @rogertorrent Kataluniako Parlamenteko presidentearekin. Egoera politikoa aztertzeaz gainera, helburu bera duten bi herriren arteko elkarlanaz aritu gara: burujabetza eta Errepubliken eraikuntzan aurrera egitea. pic.twitter.com/cXBlLod5Yf
— Arnaldo Otegi (@ArnaldoOtegi) 2019(e)ko ekainaren 3(a)
Gaur Urkullurekin elkartu ondotik, Torrentek hitzaldi bat eskainiko du Gasteizen (Europa jauregia, 19:30), Gure Eskuk gonbidatuta: Ezinezko erreferendumetik, ezinbesteko erreferendumera.
Goizean, Eusko Legebiltzarrean izan da Kataluniako parlamentuko presidentea. Bakartxo Tejeria legebiltzarrek lehendakariak egin dio harrera, eta bi instituzioen arteko "lotura historiko, sakon eta sustraituak" nabarmendu ditu Torrentek. "Aspalditik dator harremana, baina seguru oraindik luzarorako izango dela. Gustura gaude harreman instituzional hau berrartu izanarekin. Ibilbide luzea izango du aurrerantzean".
