Noiz sortua: 2019-06-05 07:13:42

Literatura

Eako Poesia Egunik ez da egingo gehiago

Antolatzaileek jakinarazi dute "minez bada ere" agur esan behar dietela Eako Poesia Egunei, "baina gogoz, gorputzak atsedena eskatzen digulako, eta buruak egitasmo berrietan arakatzeko gogoa".

Eako poesia egunak, iaz.
Eako poesia egunak, iaz. Jaizki Fontaneda/Foku

Miren Garate -

2019ko ekainak 5

"Porrot eder bat da adioa" esanez hasten da antolatzaileek Eako Poesia Egunik ez dutela gehiago antolatutako jakinarazteko prestatutako oharra. Iazkoak izan ziren azkenak, aurten jada ez dira izango.

Pausatzeko premia dutela nabarmendu dute, honako arrazoi hauek aipatuz: ziklo baten amaiera heldu dela sentitzen dutelako; eraldatzeko gaitasuna ez agortzeko; berritzaile izateak haustura dakarrelako; garai berriek modu berriak eta gogo berriak eskatzen dituztelako; hutsunea eta zuloa sentitzeko eta sentiarazteko; euskaraz sortutako eta euskarara ekarritako kulturan sinesten dutelako; literatur plazan konfiantza osoa dutelako, eta mila adierazpidetan berreraiko dela badakitelako; kultura ez delako kudeaketa hutsa; eta kultura etengabeko mugimenduan bizi delako.

2004an antolatu zen estreinakoz egitasmoa, egun bakarreko egitarauarekin, Gabriel Aresti omentzeko asmoz. Eta urtez urte handituz joan da asmo hura. Hamabost aldiz egin dira guztira.

Lehen egunetik, kultur espazio irekia eta zabala sortzeko bokazioarekin aritu direla nabarmendu dute antolatzaileek, eta, hala, Easko Poesia Egunak ezberdinen arteko enkontru bilakatu direla, korronte anitzetako sortzaileei egin zaielako lekua. "Askatasun horrek eman du bere fruitua, pentsamendu kritikoak egin du bere bidea gurean".

Eskerrak eman dizkiete urteotan han izan diren sortzaile, hizlari, ilustratzaile, bidelagun, artista, editore eta zaletuei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

PCR probak egiten, atzo, Ordizian ©Jon Urbe / Foku

Ordiziako fokuan 30 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hamalau positibo daudela jakinarazi du Osasun Sailak, eta dagoeneko 707 PCRren emaitzak jaso dituzte. Beharrezkoa dela ikusiz gero «irmo» arituko direla ziurtatu du sailburuak. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu. Neurriak zorroztuko dituzte arratsaldean.

Testak egiteko asmoz Ordizian atzo ipinitako karpa. ©JON URBE / FOKU

«Nor ez da ibiltzen hor!»

Arantxa Iraola

Zazpi positibori atxikita, ostatu gune batean ibilitako herritarrei testak egin dizkie Osakidetzak: 900 PCR proba egin dituzte, eta negatibo eman dute lehen 91k. Boluntarioa izan da parte hartzea. Ordizia, Beasain eta Lazkaoko eguneko zentroak itxi egin dituzte, eta zahar etxeetan bisitak kendu dizkiete zazpi egunez. Eskualdeko beste zahar etxeetan, halaber, kalera irteteko aukerarik gabe utzi dituzte bertan bizi diren adinekoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna