Dr. John hil da, blues musikaren ikurra

Malcolm John McRebennackek sei alditan irabazi zuen Grammy saria. Piano jotzaile ezaguna 77 urterekin hil da, bihotzekoak jota.

Derek Bridges

Berria -

2019ko ekainak 7

Jazza eta blues musikaren ikurretako bat hil da, Malcolm John McRebennack. Familiak eman du heriotzaren berri. 1960ko hamarraldian egin zen ezagun Dr. John izenez. Pianoa lagun New Orleanseko (AEBak) izarretako bat izan zen 60ko eta 70eko hamarraldietan, Fats Domino eta gisako beste hainbat musikariren bidea jarraituz.

Nazioarteraino heldu zen haren musikaren oihartzuna. Egindako lanak ere saria izan zuen, eta sei Grammy lortu zituen bere ibilbidean zehar. Jazza eta bluesa ez ezik, bestelako musika motak ere landu zituen estatabatuarrak, besteak beste, popa edota rock and rolla. "Abeslaria, musikagilea eta piano-jotzailea zen Dr. John eta bere ibilbideari esker New Orleanseko ikur eta Rock and Rollaren Ospearen Aretoko kide bilakatu zen", goraipatu du Neil Portnowek, Grammay sariak ematen dituen elkarteko buruak.

Dena ez zen, hala ere, erraza izan McRebennacken bizitzan. Bi urte egin behar izan zituen espetxean drogarekin atxilotu zutenean. Ezaguna zen heroinarekiko zuen menpekotasuna ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: