Iruñeko Udala

Asiron: "Oraindik ere aukera badago"

Egun bat falta da Iruñeko alkatea hautatatzeko, eta Joseba Asironek beste behin eskua luzatu dio. Atzo bilera deitua zuten Geroa Bairekin eta PSNrekin baina sozialistak ez ziren bertaratu.

Asironen agerraldia, gaur.
Asironen agerraldia, gaur. Joxerra Senar. Tamaina handiagoan ikusi

Joxerra Senar -

2019ko ekainak 14

Azken unera arte ahalegindu nahi dute, baina jakitun dira ondo sozialisten asmoez. Maite Esporrin PSNko hautagaiak maiatzaren 26ko gauean bertan "agur Asiron!" oihukatu zuen. Gerora esan du bere hautagaitza aurkeztuko duela eta EH Bilduri keinu egin dio, nahi izanez gero, botoa emateko. Jarrera horren aurka gogor mintzatu da Asiron: "Ez dakit zer logika duen esatea 'ez naiz zurekin eseriko baina zure botoak hartuko nituzke. Politikaren alde txarrera adierazten du".

Aukera guztiak agortu nahirik, prentsaurrekoa eskaini du, gaur goizean, Asironek, Maider Beloki eta Joxe Abaurrearekin batera. PSNri mezua bidali dio. "Ziurrenik uneotan Maite Esporrin begira ari zaigu", aipatu du. Hartara, Asironek nabarmendu du sozialisten eskuetan dagoela hirian udal politika aurrerakoiekin aurrera jarraitzea edo "eskuin atzerakoienaren garaira" itzultzea. EH Bilduko hautagaiak nabarmendu du, aurreko legealdian, akordioetara iristeko gai izan direla. Ardura oro PSNren gain dagoela argitu du.

Eskuinak Vox-ekin arazorik ez

Halaber, Asironek gogora ekarri du Navarra Sumako bazkideak, Ciudadanos eta PP, uneotan "estatuko hainbat tokitan" Vox-ekin negoziatzen eta itunak egiten dabiltzala. Eskuin muturrarekin negoziatzeko arazorik ez duten bitartean, sozialistek betoa ezarri diote Nafarroan EH Bilduri. PSOE berak Espainiako Kongresuan "naturaltasunez" negoziatzen du EH Bilduko diputatuekin, eta hemen esertzeari berari uko egin diote, "noren eta Madrilen erabakiz".

Aukera guztiak agortuagatik, Asironek onartu du lan egiten jarraituko dutela "oposizioan zein gobernuan". Navarra Sumak ez du gehiengo osorik, eta ondorioz gainerako taldeek bere politikak ezartzeko aukerak izango dituzte. Eskuineko koalizioari oroitarazi dio EH Bildu indartsu dagoela eta herritarren gehiengo batek eskuinaren aurka egin zuela. Hartara, etorkizunean, koalizio abertzaleak aurrerantz jarraituko duela uste du. "Navarra Suma da eskuinaren azken frontea".

Enrique Maiaren inbestidura eragozteko, dena den, EH Bilduk ez du "beste formularik" aurreikusten. Bere ustez, "aukera erreal bakarra" da EH Bilduren inguruan egituratzea, hauteskunde emaitzek hala adierazi zutelako eta hirugarren indarrari alde handia ateratzen diolako. "Estatuko beste hiri batean" halako proposamenik ez litzatekeela egingo uste du. Halaber, espero du Geroa Baik bere alde egitea. "Alderantziz balitz" berdina egingo lukeela eta Itziar Gomez babestuko lukeela adierazi du.

Iruñean, alkatea hautatzeko osoko bilkura 18:00etan izango da. Ordurako Nafarroako udal nagusiak aukeratuak izango dira, goizean egingo baitira inbestidura saioak.

Lizarran erabakita

Adibidez, Lizarran 12:00etan egingo da, eta Koldo Leoz egungo alkateak aginte makila galduko du Navarra Sumako Gonzalo Fuentesen mesedetan. Beste hainbat udaletan bezala, PSNk izan du giltza udal gobernuaren kolore politikoa erabakitzeko. Atzo arratsean, PSNko Lizarrako militanteek batzarra egin zuten. Eztabaida handia izan zen, baina azkenean gehiengoak erabaki zuen Sarasate egoitzatik ezarritako irizpidea bete eta EH Bilduren hautagaitza ez babestea. Hiru zinegotziek Jorge Crespo sozialistaren alde bozkatuko dute.

Gaur arratsaldean PSNk beste batzar bat du Eguesibarren. Kasu honetan, bigarren indarra Geroa Bai da, baina jarduneko alkateak onartu du sozialistak zer egin erabakia atzeratzen joan direla. Asteartean bildu zen PSN Geroa Bairekin, eta gaur erabakia hartuko dutela esan. Etxeberria haserre eta atsekabetuta zegoen atzo denborarik ez duelako ematen. Eguesibarren 10:00etan aukeratuko da alkatea nor izango den. Navarra Suma da lehen indarra.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna