Aldaketa gertatu da Durangoko Udalean (Bizkaia). EH Bilduk eta Herriaren Eskubidea hautagaitzak —Elkarrekin Podemosen eta independenteen arteko koalizioak— gobernu akordioa izenpetu zuten, eta gaur Ima Garrastatxu EH Bilduko hautagaia izendatu dute alkate. Garrastatxuk EAJko Aitziber Idigoras ordezkatuko du karguan. Bideoa: Anboto.org.
EAJk ditu zinegotzi gehien Durangon (8), baina PSEren babesa (2) ez du nahikoa izan aginteari eusteko, EH Bilduk eta Herriaren Eskubideak zinegotzi bat gehiago baitute elkarrekin.
EH Bilduko eta EAJko alkategai biek berba egin dute osoko bilkuran. "Ezkerreko emakume subiranista bat alkate bihurtzeko lan egin" dutenak izan ditu gogoan Garrastatxuk. "Herritarren gehiengoaren konfidantza, baita Durangon ere," EAJrena dela esan du Mireia Elkoroiribe hautagai jeltzaleak.
Aginte makila hartu ostean, herritarrak agurtzera irten da Garrastatxu udaletxeko balkoira. Bizilagun ugari bildu da bertara. Udaletxetik irten denean, aurreskua dantzatu die alkate berriak herritarrei.
Ima Garrastatxu @EHBilduDurango izango da Durangoko alkate berria!
— EH Bildu Durango (@EHBilduDurango) 2019(e)ko ekainaren 15(a)
•••
¡Ima Garrastatxu @EHBilduDurango será la nueva alcaldesa de Durango! pic.twitter.com/KO27r3TRyK
