Ekialde Hurbila

Mohammed Mursi Egiptoko presidente ohia hil da bere aurkako epaiketa batean

Telebista kate publikoaren eta Al-ahram egunkariaren arabera, epaileak saioa gibelatzea erabaki ondoren Mursik konortea galdu du, eta zendu egin da. 67 urte zituen, eta 2013an estatu kolpe batekin kendu zuten boteretik. Preso zuten ordutik.

Mohammed Mursi, 2013ko irudi batean, presidente zenean. OLIVER WEIKEN / EFE
mikel rodriguez
2019ko ekainaren 17a
07:07
Entzun

Espioitza delitu bat leporatuta eraman dute Mursi auzitegira, gaur. Mursi Anaia Musulmanak erakunde islamistako kidea da, eta historia egin zuen 2012an, Hosni Mubaraken erregimena erori ondoren (2011) hauteskundeen bidez aukeratu zuten lehenbiziko presidentea izan baitzen. 2013an, ordea, Abdel Fattah al-Sisi mariskala buru zuela armadak estatu kolpe bat eman zuen, eta espetxean sartu zuen Mursi.

Zazpi urteko espetxe zigorra ezarri zioten presidentetzarako hautagaitza faltsutzea egotzita. 

Recep Tayyip Erdogan Turkiako presidentea izan da mezu bat argitaratu duen lehenbizikotariko nazioarteko agintaria. Anaia Musulmanen aliatua da Erdogan, eta Al-Sisi Egiptoko presidentea kritikatu du. "Gure martiriari Alaren errukia opa diot. Doluminak eman nahi dizkiet haren familiari, senideei eta Egiptoko herriari. Al-Sisi krudelak 50 egiptoar inguru exekutatu ditu". 

 

 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.