Noiz sortua: 2019-06-18 17:42:31

Hilberria

Rufino Iraola zendu da

Bertsozale eta idazleak 73 urte zituen

Patxi eta Rufino Iraola anaiak 2009. urtean, 'Naizen apurra' liburua aurkeztu berritan. Apirilean hil zen Patxi Iraola.
Patxi eta Rufino Iraola anaiak 2009. urtean, 'Naizen apurra' liburua aurkeztu berritan. Apirilean hil zen Patxi Iraola. Mikel Albisu - Goierritarra Tamaina handiagoan ikusi

Amagoia Gurrutxaga Uranga -

2019ko ekainak 18

Rufino Iraola Garmendia hil da. Zaldibian (Gipuzkoa) 1945ean jaioa, hamarkada asko egin zituen bertsolaritzari lotua, bertsoak idazten zein bertsoei buruzko iruzkinak egiten. Bertso jarriekin irabazi zituen sarien zerrendan daude: Lazkao Txiki —bost aldiz—, Orixe —lau aldiz—, Xalbador, Zapirain Anaiak eta Lekuona. Artikuluak eta iruzkinak, berriz, El Diario Vasco egunkarian eta Bertsolari aldizkarian argitaratu zituen batez ere, baina baita Euskaldunon Egunkaria, Hemen, Goierritarra, Txintxarri, HABE eta bestetan.

Epaimahaikide lanetan ere aritu zen hainbat bertso txapelketatan. 1986ko eta 1989ko Euskal Herriko Txapelketetan, esaterako.

1994an hasi zuen ibilbide literarioa, Dena dago zatitxo baten baitan liburuarekin Irun Hiria ipuin lehiaketa irabazi zuenean. Artxanberriren ziriak, Patxi Errotaren ugaritasuna, Jainkoaren ateraldiak (Sendoa, 1999) bertsolaritza liburua eman zuen segidan. Hurrengo urtea, 2000koa, oparoa izan zuen: Zaldiarangoak narrazio sorta, Biziaren bisutsak artikulu bilduma eta Abaraskak aforismo liburua eman zituen Hiria argitaletxearekin. Baita Franz Kafkaren Metamorfosia itzulpena ere.

Gero etorri ziren narrazioko Antonio Maria Labaien saria irabazi zuen Hire magalean (Alberdania, 2001), bertsolaritzako Ñañarriri begira (Sendoa, 2003) eta Bihotzaren zelaietan (2008) artikulu bilduma.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Eguraldiaz eta neurrien arintzeaz gozatu dute herritar askok gaur. ©Juan Carlos Ruiz / Foku

Koronabirusak ez du inor hil Hego Euskal Herrian, lehen aldiz 85 egunean

Edu Lartzanguren

23 positibo berri detektatu dituzte PCR probekin, atzo baino bost gehiago.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Astelehenetik araudi berri bat izango da indarrean Hego Euskal Herrian eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna