Pello Urizar

"Nire zikloa amaitu da, baina ez EArena"

Eusko Alkartasuneko idazkari nagusi izateari utzi dio, hamar urteren ondoren. Euskal Herrian bide demokratikoak gailendu izana aipatu du, eta uste du EH Bildu egonkortutako errealitate bat dela. "Ardura guztietan eraberritzeak" ematearen alde azaldu da. Uztailaren 4an hautatuko dute EAko jarduneko idazkari nagusia; ondoren, primarioak. Bihar, Urizarren elkarrizketa BERRIAn.

Pello Urizar, gaur, Donostian emandako prentsaurrekoan.
Pello Urizar, gaur, Donostian emandako prentsaurrekoan. Gorka Rubio/Foku.

Enekoitz Esnaola -

2019ko ekainak 25 07:15

Utzi egin du EAko idazkari nagusiaren postua Pello Urizarrek, eta gaur eguerdian eman ditu hedabideen aurrean arrazoiak, Donostian, alderdiaren egoitzan prentsaurreko bat emanda. "Beti pentsatu izan dut eginkizun guztietan zikloak daudela eta osasuntsua dela ardura guztietan eraberritzeak egitea", adierazi du, hasieran. "Niri dagokidanez, ziklo baten amaiera heldu da gaur, baina ez Eusko Alkartasunaren ibilbide politikoarena. Alderdiari osasuna, abertzaletasunari batasuna, eta aberriari oinarri politiko berriak ezartzen eman dut nire onena. Garai berria irekitzen den honetan, jende, ikusmolde eta bizipen freskoak behar direla sinetsita nago".

EAren azkeneko kongresuan –2017an– zuzendaritza ofizialarekiko ildo kritiko bat egon zen, eta Urizarrek hamalau botogatik lortu zuen irabaztea, baina esan du ez duela barne ikuspuntu desberdinengatik utzi kargua. Berriro azaldu du bukatu dela bere zikloa. Aurki utziko du EAEko legebiltzarkide aulkia –2012tik da–, eta irailean bere kooperatiban hasiko da lanean.

Gogoratu du berak EAko arduradun kargua hartu zuenean –2009ko ekainean–, artean ETAren indarkeria zegoela, eta hor eman dela aurrerapausoetako bat, Euskal Herrian soilik bide demokratikoak gailenduta. "Lortu dugu ETAren armak behin betiko desagertzea". Dena dela, aitortu du hasieran "bertigoa" sentitu zuela ezker abertzale oifizialarekin 2010eko ekainean elkarlanerako akordioa sinatu zuenean. "Baina zailtasunak ez gaitu inoiz beldurtu". (EH) Bildu sortu izana nabarnendu du, "indar subranisten metaketa" izan dela argudiatuta, uste du egun egonkortutako egitasmo bat dela, eta orain jende berria behar dela horri bultzada ematen segitzeko. "Gure bihotz eta eta buruak jarri ditugu ezberdinen arteko mugimendu zabal eta soberanista sortzen. Gaur EH Bildu den errealitate politiko eta soziala egonkortuta, esku berrien beharra dago, horregatik lehen lerrotik erretiratzen naiz".

Nafarroan eta Ipar Euskal Herrian emandako pausoak ere azpimarratu ditu, uste du lortu duela "justizia soziala eta bizitza duina erdigunean", eta autodeterminazio eskubidea Europan agendan badela ere adierazi du. "Pozik erretiratzen naiz. Orainidik lanketa behar dute, baina hori hurrengo belaunaldiari dagokio".

Urizarrek (Arrasate, Gipuzkoa, 1968) esan du uzteko erabakia ez duela hartu egun jakin batean; hauteskunde ziklo bat egon dela, azkeneko urte eta erdian hor "zentratuta" egon dela, eta orain egokitu dela berak EAko ardura uztea. "Militantzia soilera itzultzeko garaia heldu zait, Idazkaritza Nagusia hartu aurretik ere 23 urtetan egin nuen moduan. Euskal Herri aske eta justua eraikitzeko aukera asko dauzkagu inguruan, eta ziur nago bat egingo dugula bidean".

Uztailaren 4an hautatuko du EAk jarduneko burua

EAk uztailaren 4an egingo du ezohiko Nazio Batzarra, jarduneko idazkari nagusia aukeratzeko, eta ondoren hasiko du primarioen prozesua, Iker Ruiz de Egino alderdiko eledunak Europa Press berri agentziari adierazi dionez. Edozein afiliatuk aurkeztu ahal izango du bere hautagaitza uztailaren 4ko hitzordurako. Biltzar horren ostean hauteskunde batzorde bat eratuko dute EAn, eta bi hilabeteko epea luke primarioen prozesua deitzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mikel Irujo, urrian, Nafarroako Parlamentuan Next Generation egitamoari buruzko batzordera sartu aurretik. ©Iñigo Uriz / Foku

Mikel Irujok ordezkatuko du Manu Aierdi

Berria

Aierdik oraindik ez du dimisioa eman, baina Geroa Baik iragarri du nork hartuko duen haren lekukoa 

Aske uzten duten arte kimioterapia hartzeari uko egin dio Troitiñok

Aske uzten duten arte kimioterapia hartzeari uko egin dio Troitiñok

Maddi Ane Txoperena Iribarren

Tratamendua espetxean hartzea ez da «bideragarria», Etxerat-ek salatu duenez. Gaitza «duintasunez» eta etxean tratatu ahal izatea eskatu du

Sanchez Corbi, Espainiako kongresuan PPren finantziazioaren inguruan gadekatu zutenean, 2017ko azaroan. ©Emilio Naranjo / EFE

Torturarengatik zigorturiko Corbi koronelak Guardia Zibila utziko du, Accionara joateko

Edu Lartzanguren

Lau urteko kartzela zigorra ezarri zioten Kepa Urra torturatzeagatik, baina PPk indultua eman zion, eta Guardia Zibilaren UCO taldeko burua izan zen. 2018an kargu hori kendu zion Fernando Grande-Marlaskak.

Jose Maria Aznar Espainiako Gobernuko presidente ohia, 2003an. ©B. R. / EFE

Espetxeetako ateen hurrengo sarraila

Maddi Ane Txoperena Iribarren

Gradu aldaketak emanez gero, luze gabe kalean behar lukete 68 bat presok. Gainerakoek zailagoa daukate bidea, ordea; bereziki 7/2003 legearekin zigortuek. Presoen eskubideen aldeko mugimenduek legea indargabetu dezatela nahi dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.