G7 Miarritzen

G7koen kontrako lapiko jotzea egin dute Donapaleun

Gailurrari lotutako Lurraldearen Balioztatze Batzordeak bilkura antolatua zuen goiz honetarako, tokiko hautetsi eta eragile ekonomikoekin. Frantziako Laborantza ministroa parte hartzekoa zen.

Berria

Berria -

2019ko ekainak 28

30 bat pertsona elkartuak ziren goiz honetatik Donapaleuko (Nafarroa Beherea) Chemins-Bideak gelaren aitzinean protesta egiteko. G7koen gailurrari lotutako Lurraldearen Balioztatze Batzordeak bilkura antolatua zuen bertan, goi bilera prestatzeko lurraldeko foroen barnean. Lurralde anitzak, mundua idazten duten tokiko dinamikak izena zuen gaurkoak. Goizean, Jean Jacques Lasserre Pirinio Atlantikoetako Departamenduko presidenteak hitz egin behar zuen, eta ondoren, eztabaida antolatu dute tokiko eragileekin. Eguerdian, Didier Guillaume Frantziako Laborantza ministroa zen hitza hartzekoa.

G7 Ez plataformako kideek mobilizaziorako deia egina zuten gaur goizerako, Lurralde Balioztatze Batzordearen bilkura salatzeko. "G7koen gailurra parte hartzen duten herri aberatsenen politika kapitalistaren zerbitzuko erakustoki bat baizik ez da, eta haien helburu bakarra ber sisteman segitzea da", adierazi dute agiri batean. "Balioztatze batzorde hori, G7 makina ustel handi horren tresna bat baizik ez da, eta argi da eztabaidari ez diotela lekurik utziko".  Plataformakoen hitzetan, halako ekitaldiak antolatzea "trufa" eta "probokazioa" da. Goizean goizetik herritar talde bat lapikoekin harrabotsa egiten aritu da bilkura gelaren aitzinean; jendarmeek gehiegi hurbiltzea oztopatu diete.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna