Ipar Korea eta AEB

Armagabetze nuklearrerako elkarrizketak hastea adostu dute Trumpek eta Kimek

Donald Trump eta Kim Jong-un Ipar eta Hego Korearen arteko mugan bildu dira. Koreako lurra zapaldu du historian lehenengoz AEBetako presidente batek.

Donald Trump AEBetako presidentea eta Kim Jong-un Ipar Koreako presidentea, gaur, Ipar eta Hego Korearen arteko muga zeharkatzen.
Donald Trump AEBetako presidentea eta Kim Jong-un Ipar Koreako presidentea, gaur, Ipar eta Hego Korearen arteko muga zeharkatzen. YONHAP/EFE

Gorka Berasategi Otamendi -

2019ko ekainak 30

Hirugarrenez bildu dira elkarrekin Donald Trump AEBetako presidentea eta Kim Jong-un Ipar Koreako presidentea. Ipar eta Hego Korearen arteko mugan elkartu dira, eta bilkurak keinu historikoa utzi du. Trumpek muga zeharkatu du hegoaldetik iparrera. Hala, estreinakoz, Ipar Koreako lurraldean sartu da presidente estatubatuar bat.

Bileraren amaieran, Ipar Korearen armagabetze nuklearra negoziatzeko elkarrizketei berriz ekitea adostu dutela jakinarazi du Trumpek. Haren esanetan, "bizpahiru astetan" negoziazioetarako "lantaldeak" eratuko dituzte bi herrialdeek.

Trumpek aurreratu du negoziazio "zailak" izango direla, baina ez dagoela presarik Ipar Korearen armagabetze nuklearra gauzatzeko.

AEBetako presidenteak ez dio garrantzia handirik eman Ipar Koreak egin dituen azken misil probei. Nabarmendu du irismen urriko armamentuarekin eginiko probak izan zirela. "Ohikoa da edozein herrialdek gisa horretako probak egitea". Hori bai, Trumpek argitu du AEBek ez dutela indargabetuko Ipar Koreari ezarri dion zigor neurririk, oraingoz.

Kim Jong-un Etxe Zurira gonbidatzeko iragarri zuen asmoari buruz ere mintzatu da Trump. Bileraren aurretik gaia aipatu diola azaldu du. Trumpen esanetan, ondorengoa adierazi dio: "Badakizu zer? Une egokia denean etorriko zara, biok han izango gara. Baina oraindik bidea egin behar dugu. Ikusiko dugu".

Trump Freedom House izeneko eraikinetik irten da, Ipar eta Hego Korearen arteko desmilitarizatutako eremuan. Kim Jong-un Ipar Koreako presidentea Panmungak eraikinetik hurbildu zaio, eta muga militarreraino joan da. Han zuen zain Trump. Bostekoa eman diote elkarri, eta elkarrizketa labur bat izan dute. "Pozten naiz zu berriz ikusteaz", esan dio Kimek Trumpi. "Ez nuen espero zu hemen sekula ikustea".

Ondoren, Trumpek muga zeharkatu du, historikoa bihurtu den unean. Segundu batzuk besterik ez ditu egin Ipar Koreako lurretan, eta berriro zeharkatu dute muga. "Penintsulako gatazkari amaiera eman nahi dion une historikoa da", adierazi du Kimek. Ipar Koreako presidentearen esanetan, "ausarta" izan da Trumpen keinua.

AEBetako presidenteak, berriz, nabarmendu du "gauza oso positboak" gertatzen ari direla Koreako penintsulan, Wahingtonen eta Piongiangen arteko hurbiltzearen ondorioz. "Elkarrekin bildu gara eta elkarren gustuko gara lehenengo egunetik, eta hori da garrantzitsuena", adierazi du.

Bileran izan da Moon Jae-in Hego Koreako presidentea ere, eta Ipar eta Hego Koreako presidenteek bostekoa eman diote elkarri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna