Noiz sortua: 2019-07-02 07:15:02

Jaurlaritzaren Aurrekontuak

EH Bilduk "beste era batera" jokatzeko eskatu dio Jaurlaritzari

Iriartek Azpiazuri jakinarazi dio "akordiorako borondatea" dutela, baina ezin dizkiotela PPri eta EH Bilduri aurrekontu berberak aurkeztu.

EH Bilduko ordezkariekin bildu da Ogasun sailburu Pedro Azpiazu. /
EH Bilduko ordezkariekin bildu da Ogasun sailburu Pedro Azpiazu. / Jaizki Fontaneda/Foku

Enekoitz Telleria Sarriegi -

2019ko uztailak 2

Ordubeteko bilera egin dute Eusko Jaurlaritzako Ekonomia eta Ogasun sailburu Pedro Azpiazuk EH Bilduko ordezkaritzarekin —Maddalen Iriarte eta Unai Urruzuno parlamentariek osatutakoa—. Eta, horrenbestez, amaitutzat eman du Azpiazuk Eusko Jaurlaritzaren 2020ko aurrekontuen inguruan egindako lehen bilera erronda —PPrekin eta Elkarrekin Podemosekin bildu zen joan den asteazkenean—. EH Bildurekin egindako bilera horretaz Maddalen Iriartek aurreratu du, "normala" den bezala, ez direla aparteko "xehetasunen" inguruan aritu, baina haiek Azpiazuri jakinarazi diotela "akordiorako borondatea" badutela. Beti ere, haien "egiturazko" proposamenak aintzat hartzen badituzte: "Ez dugu argazki bat nahi, bide hori topatu nahi dugu".

Iriartek garbi utzi du Jaurlaritzak ezin dizkiola aurrekontu berberak aurkeztu PPri eta EH Bilduri, eta "kezkagarria" litzatekeela gobernuak kontuak egitea PPk babestuko dituela pentsatuz. "Ez da gauza bera kontuak egitea PPrekin akordio bat egingo duzula pentsatuz, edo EH Bildurekin adostuko dituzula pentsatuz". Hori dela eta, "ateraldiak" albo batera utzi —Joseba Egibarrek asteburuan esan baitzuen aurrekontuen negoziaziorako tartea 30-50 milioi euro artekoa dela—, eta "beste era batera" jokatzeko eskatu dio Iriartek Azpiazuri. "Gure jarrera duela urtebete izan genuen berbera da", adierazi du EH Bildukoak, eta argi utzi kontuak ateratzearen ardura Jaurlaritzarena dela.

Azpiazuren balantzea

Mezu ezin argiagoa eman du Pedro Azpiazuk ere orain arteko hiru bileren inguruan aritzerakoan: alderdiei eskatu die "mugatzeko" aurrekontuen markora, eta ez egiteko marko hori "kuantitatiboki, kualitatiboki eta eskumenen arloan" gainditzen duten proposamenak eta eskariak.

EH Bildurekin egindako bileraz Ekonomia sailburuak esan du "itxaropentsu" dagoela, eta espero duela oraingo honetan "negoziazio erreal eta eraginkor" batera sartuko direla. Elkarrekin Podemosekin egindakoaz, aldiz, "beste jarrera batekin" ikusi dituela: "Oraingoz, borondate irmoa ikusi dut hiru alderdien aldetik". Dena dela, aurrerantzean "gardentasunez" jokatzeko eskatu zien hiru alderdi horiei, eta ez ibiltzeko inor "nahasten". Luzatutako kontuekin horregatik ari direla eman zuen aditzera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba, ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna