AEB

Trumpek AEBen ahal militarra goratu du Independentziaren Eguneko hitzaldian

AEBetako presidenteak adierazi duenez, herrialdeak bere helburuei eusten badie, "ez da izango AEBek lor ezin dezaketen ezer".

Donald Trum AEBetako presidentea, atzo, Washingtonen, AEBen Independentzia Eguneko Etxe Zuriaren ekitaldian.
Donald Trum AEBetako presidentea, atzo, Washingtonen, AEBen Independentzia Eguneko Etxe Zuriaren ekitaldian. ERIK S. LESSER/EFE

Gorka Berasategi Otamendi -

2019ko uztailak 5

Donald Trump AEBetako presidenteak herrialdearen ahal militarra eta AEBen "izpiritua" goratu ditu uztailaren 4ko Independentziaren Egunean. Horretara mugatu du hitzaldia, eta aipatu gabe utzi ditu gainontzeko gai politikoak. Tankez inguraturik mintzatu da. Tarteka, hegazkin eta helikoptero militarren maniobrek lagundu diote hitzaldiari. Trumpek etenak egin ditu hitzaldian, arreta zerura bideratzeko, eta han bildutako milaka herritarrek "AEB, AEB" oihukatu dute geldiune horietan.

"Ez da aireko indarrik soldadu estatubatuar bat bera ere hiltzea lortu duenik 65 urtean baino gehiagotan. AEBak baitira zeruaren jabe", adierazi du Abraham Lincoln AEBetako presidente ohiaren estatuaren parean. Trumpek AEBetako indar armatuen lorpenak nabarmendu ditu. Horien artean, Estatu Islamikoak aldarrikatu duen kalifa herriaren ustezko desegitea. Presidentearen hitzetan, AEBetako armada "Lurreko soldadurik onenek" osatzen dute.

Halaber, AEBetako "aita fundatzaileak" bultzatu zituen "izpiritua" goretsi du Trumpek. 1776an, Erresuma Handiaren 13 koloniatan iraultza sustatu zuen taldearen "izpiritua", alegia. "Izpiritu hori abertzale estatubatuar bakoitzaren zainetan ibili da gaur arte. Zuetako bakoitzean bizi da", adierazi du. Hala, AEBetako herritar izateaz harro mintzatu da. "Askatasunaren alaitasunean bildu garen honetan, guztiok aparteko ondare bat partekatzen dugula oroitzen dugu. Elkarrekin, sekula kontatutako historiarik onenetako baten parte gara: AEBen historia".Trumpen iritziz, estatubatuarrek beren historia oroitzen duten artean, eta beren helburuei eusten dien artean, "ez da izango AEBek lor ezin dezaketen ezer".

Ekitaldian, joera politiko desberdinetako herritarrak bildu ziren. Batzuk, bisera gorriak jantzita, Egin AEB berriro ere handi leloarekin. Beste batzuk, kamiseta urdinak soinean, Bera ez da nire presidentea esaldiarekin.

Protesta ekintza bat ere izan da. Gizonezko batek AEBen bandera bat erre du Etxe Zuriaren parean. Poliziak atxilotuta eraman du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna