Albistea entzun

Gizartea

"Topaketaren kultura" gisa deskribatu du Munillak Elkanoren bidaia

Getariarrak munduari bira eman zioneko urteurreneko ekitaldien baitan egin ditu adierazpenok Donostiako gotzainak.

Juan Ignacio Munilla, artxiboko argazki batean. /
Juan Ignacio Munilla, artxiboko argazki batean. / Javier Etxezarreta/EFE

Berria -

2019ko uztailak 11 07:20

Juan Sebastian Elkanok munduari bira eman zioneko 500. urteurrena osatu dute Getarian egunotan, eta hori dela hainbat ekitaldia antolatu dituzte, tartean baita Espainiako Itsas Armadako eskolaontzi baten bisita ere. Hain zuzen ere, armadako kideez inguratuta eman zuen meza Jose Ignacio Munilla gotzainak joan den igandean.

Azken asteetan eztabaida piztu da instituzioek bidaiaren urteurrenarekin lotuta Elkano goraipatzeko antolatutako ekitaldiak direla medio. Halakoak baztertu ditu, ordea, Munillak eta adierazi du Amerika iparraldearen kasuan ez bezala, Elkanok bazuela "kosmobisio kristau bat" "autokritika egitea" ahalbidetzen ziona.

Horrez gain, "mestizaje erabatekoa eta topaketaren kultura" gisa deskribatu ditu hark eta haren bidaiakideek herri indigenekin izandako hartu-emanak. "Isabel [Gaztelakoa erregina] argi utzi zuen indigenak gizon libreak zirela. Koroaren menpekoak baina gainontzeko herritarrak bezala, haien eskubide eta betebeharrekin".

Donostiako gotzainak onartu du bidaia hark bazituela bestelako interesak "kristautasuna hedatzeaz" gain, baina Munillaren arabera, azken hori "diru-borroka eta botere-nahikeriaren" gainetik jarri zuen Elkanok.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
 ©BERRIA

«Bidean sufritu eta gero, oso gogorra da itsasoan noraezean ibiltzea»

Lide Iraola

MSFren ontziak bederatzi egun egin zituen itsasoan, portu batean lehorreratzeko zain. Ostegunean porturatu ziren, eta, orain, migratzaileei emango zaien osasun arretak eta arta psikologikoak kezkatzen dute Font.
Biriatuko ordainlekua, artxiboko argazki batean ©Andoni Canellada / Foku

Ilarak sortu dira Biriatun, goizean kamioientzat muga itxi ondoren

Berria

Gauean zehar muga igaro ahal izan dute, baina 07:00etatik aurrera berriz itxi diete pasabidea ibilgailu astunei, Gironda departamenduan piztutako sutea dela medio. 08:00etarako hiru kilometroko ilarak sortu dira Baionarako noranzkoan.

Lodosa Bizirik taldeko kideak, Lodosako kaleen izenak gazteleraz eta euskaraz jarri eta gero, plaka berriei eusten. ©BERRIA

Hutsune guztiak bete arte

Ane Etxandi

Euskara sustatzeko hainbat egitasmo gauzatzen ari dira Estellerriko Erriberan. Berriki, kale izenak ele bitan jarri dituzte, eta, orain, Porrusalda plataforma sortu berriaren bidez, euskarazko kultur jarduerak antolatu nahi dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...