Noiz sortua: 2019-07-11 18:14:34

Sanferminetako erasoa

Sanferminetako bortxaketa "istripua" izan zela esan du RTVEko kazetari batek

 

Berria -

2019ko uztailak 11

Ezaguna da Javier Solanoren ahotsa entzierroak jarraitzen dituztenen artean. Izan ere, urteak daramatza kazetariak Iruñeko entzierroen kronika egiten. Kasu honetan, ordea, hautsak harrotu dituena beste era bateko adierazpen bat izan da.  Los desayunos de TVE programako aurkezleetako batek galdetu dio esatariari zer ote den korrikalarietako batzuek elastikoan eramaten duten esku gorri itxurako ikurra, eta Solanak erantzun dio horrek ez duela zerikusirik entzierroekin, baina bai sanferminekin.

Azaldu du, 2016ko "manada auzi ezagunaren ostean" Iruñeko Udala eta Nafarroako Gobernua, herritarrekin elkarlanean aritu direla, argi uzteko gertatutako hark ez zuela Iruñarekin zerikusirik izan, eta gertatutakoa "istripu bat" izan zela "festan eta edanda zeuden pertsona batzuek" eragindakoa.

Behin ez, bitan esaten du Solanok bortxaketa hura "istripua" izan zela. Hala dio esatariak: "Gainera istripu hori milaka lagun asko eta alkohol litro ugari elkartzen diren edozein tokitan gerta daiteke".

Solanoren adierazpenek salaketa ugari eragin dituzte sare sozialetan eta hainbatek eskatu diote RTVEri zuzendu ditzala kazetariaren adierazpenak. Nabarmentzekoa da Espainiako Auzitegi Goreneko bost magistratuek aho batez erabaki zutela Nafarroako Auzitegi Nagusiak iaz emandako epaia zuzentzea eta delituaren kalifikazioa aldatu eta sexu erasotzat jotzea gertatutakoa, eta akusatuei 15 eta 17 urte arteko zigorrak ezartzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Eskuin muturreko jarraitzaileak, Michigan estatuko kapitolioaren parean, armak aldean, konfinamenduaren kontrako protesta batean, joan den maiatzean. ©JIM LO SCALZO / EFE

Eskuin muturra, hedatzen ari den beste birusa

Gorka Berasategi Otamendi

Pandemiari aurre egiteko salbuespen neurriek askatasuna mugatzen dutela eta, neurri horien kontrako protestak ugaritu egin dira hainbat herrialdetan. Eskuin muturreko taldeak ezinegon hori aprobetxatu nahian ari dira, beren diskurtsoa gizarte sektore suminduetara zabaltzeko. Pandemia aukera gisa ikusten dute.

Esperientzia Gelako ikasleekin solasean

Erretirorik nahi ez duten ikasleak

Paulo Ostolaza

EHUren Esperientzia Gelek ikasten jarraitzeko aukera ematen diete adinekoei. Konfinamenduan etxetik hartu dituzte klaseak, eta «uste baino arazo gutxiago» izan dituzte teknologiarekin. Unibertsitateak, ikasteko ez ezik, harremanak egiteko ere balio diela nabarmendu dute argazkigintzako ikasleek.

 ©OMER MESSINGER / EFE

Konfinamendua, «botere abusua»

Gorka Berasategi Otamendi

Koronabirusak gogorren jo duen herrialdeetan piztu dira konfinamenduaren kontrako protesta handienak. BERRIAk bost herrialdetako protesten argazkia egin du: Alemania, Italia, Espainia, AEB eta Brasilgo mobilizazioei erreparatu die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna