Noiz sortua: 2019-07-12 23:37:27

Euskal presoak

Espainiak bigarrenez eskatuko du Josu Urrutikoetxearen estradizioa

1980an ETAk hildako Luis Maria Herguetaren aurkako atentatuagatik eskatuko dute hura Espainiaratzeko. Aurrez beste estradizio eskaera bat aurkeztua du Auzitegi Nazionalak.

Josu Urrutikoetxea, artxiboko argazki batean. /
Josu Urrutikoetxea, artxiboko argazki batean. / Luis Jauregialtzo/Foku

Arantxa Elizegi Egilegor -

2019ko uztailak 12

Espainiako Gobernuko jarduneko eledunak, Isabel Zelaak, eman du Ministroen Kontseiluak hartutako erabakiaren berri. Bigarren estradizio eskaria litzateke eskatu asmo dutena. Lehena 1987ko Zaragozako kuarteleko atentatuagatik bere kontra irekia duten prozeduragatik litzateke, eta bigarren hau berriz ETAk hildako Luis Maria Hergueta enpresariarekin lotuta legoke.

Egun espetxean da Urrutikoetxea, haren aurka irekitako auzibideak erabaki zain. Pasa den maiatzaren 16an atxilotu zuten ETAko kide historiko izandakoa Frantziako Alpeetan, Sallanches herrian, ebakuntza bat egitera zihoala, eta presondegian sartu. Bi espetxe zigor ditu betetzeko Frantzian: Parisek 2010ean zazpi urteko zigorra ezarri zion, ETAko zuzendaritzako kidea izatea leporatuta; eta 2017an, zortzi urtekoa, 2011-2013 artean Osloko elkarrizketa mahaian izan eta ETAko egitura politikoan parte hartzea egotzita.

Haren aurkako bi epaiketetan egon ez zenez, berriz egiteko eskatu zuen, odea, Urrutikoetxeak eta hala egingo dute. 2010eko auzia urtarrilaren 6ra egingo dute, Parisko Kasazio Auzitegiak hartuko duen erabakiaren zain. 2017koa, berriz, irailaren 12an epaituko dute. Bestalde, Urrutikoetxearen aurkako euroaginduari dagokionez, Parisko Dei Auzitegiko instrukzio epaileak urriaren 16rako finkatu zuen.

1980ko hamarkadaren hasierarako, ETAko ordezkari inportanteenetakotzat jotzen zuten Urrutikoetxea. 1998ko urrian, preso zegoela, haren izena proposatu zion ETAk Espainiako Gobernuari bake negoziazioetarako mintzaide gisa. Bide motza egin zuen aukera hark, baina 2002an alde egin, eta 2005eko ekainean ETAko ordezkari gisa azaldu zen Genevako negoziazio mahaian.

Elkarrizketa saio horiek porrot egin zuten, baina, ETAk 2011ko urrian jarduera armatuaren behin betiko etena iragarri ostean, Urrutikoetxeak hilabeteak eman zituen Oslon, David Pla eta Iratxe Sorzabalekin batera, Espainiako Gobernuaren ordezkaritza baten zain, gatazkaren ondorioen inguruan hitz egiteko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna