Noiz sortua: 2019-07-17 07:26:15

Sudan

Hiru urterako akordioa sinatu dute Sudango armadak eta oposizioak

Bost zibilek, bost militarrek eta bi aldeek adostutako pertsona batek osatuko dute trantsizioko gobernua, eta lehen 21 hilabeteetan armadak zuzenduko du.

Junta militarraren aurkako protestak Khartumen. /
Junta militarraren aurkako protestak Khartumen. / Marwan Ali/EFE

Arantxa Elizegi Egilegor -

2019ko uztailak 17

Joan den apirilean agintetik kendu zuten militarrek Omar al-Baxir Sudango presidentea, eta hiru hilabeteko larrialdi egoera ezarri. Negoziatzen aritu dira bi aldeak geroztik, eta, uztailaren hasieran gehienez hiru urteko trantsizio epea zehazten zuen akordioa hitzartu ostean, hitzarmen politikoa sinatu dute bart.

Hiru urte eta hiru hilabeteko trantsizioaldian aginduko duen batzordea nork osatuko duen zehazten du hitzarmenak. Bost militar, bost zibil eta bi aldeek adostutako pertsona batek osatuko dute behin-behineko gobernua, eta militarrek zuzenduko dute hura lehen 21 hilabeteetan. Ondoren, zibilek hartuko dute gidaritza.

"Aro berri baterako urrats erabakigarria". Hala deskribatu du hitzarmena Mohamed Hassan Labatek, Afrikako Batasuneko bitartekariak, eta aurreratu du hurrengo urratsa konstituzio berri bat adostea izango dela. Izan ere, Al-Baxir agintetik kendu ostean indargabetu zuten aurrekoa.

Hala ere, badira oraindik jakinarazi ez dituzten eta eztabaida eragin duten hainbat puntu. Armadak, esaterako, ez zuen onartzen justizia burua eta fiskal nagusia trantsizioko gobernuak izendatzea, eta oposizioak ez zuen nahi trantsizio gobernuko kideek "erabateko immunitatea" izaterik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bilboko errepideak konfinamendua hasi berritan. ©Marisol Ramirez / Foku

Nafarroako Gobernuak udako herri bestak bertan beheiti uzteko gomendatu du

Berria

Nafarroako Osasun Publikoko Institutuak nabarmendu du herri bestetan zaila dela segurtasun eta osasun neurriak betetzea. Hala, halakoetan birusa zabaltzeko arriskua ikusita, bestak bertan beheiti uzteko gomendioa egin du gobernuak. 

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera. Salvador Illak aurreratu du hirugarren fasean ezingo dela erkidego batetik bertzera mugitu. 

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna