Antifaxismoa

Elkartasuna adierazi diete Voxen ekitaldiaren harira epaituko dituztenei

Albiste agentziek esan zuten epaiketa irailean izango zela, baina auzipetuek ez dute horren berririk: "Auzia instrukzio fasean dago oraindik".

Eragileen agerraldia Bilboko Euskalduna jauregiaren aurrean /
Eragileen agerraldia Bilboko Euskalduna jauregiaren aurrean / Luis Jauregialtzo/Foku

Gotzon Hermosilla -

2019ko uztailak 17

Apirilaren 13rako, Vox alderdi ultraeskuindarrak hauteskunde ekitaldi batzuk antolatu zituen Donostian eta Bilbon. Horren kontrako elkarretaratzeak egin zituzten bi hiriburuetan, eta, Bilbokoan, Ertzaintza manifestariei oldartu zitzaien; zenbait lagun zauritu zituen, eta beste bost atxilotu. Bilboko elkarretaratzea antolatu zuten eragileek –Ernaik, Bilboko Mugimendu Feministak eta Sare Antifaxistak– elkartasuna adierazi diete zaurituei eta atxilotuei, eta dei egin dute aurrerantzean ere "irmo" erantzutera "edozein probokazio edo eraso faxistari".

Eragileen arabera, Voxen ekitaldiak "probokazioa" izan ziren, "are gehiago haien hauteskunde emaitzak ikusita". Haien ustez, Voxen asmoa ez zen Euskal Herrian botoak biltzea, baizik eta "Espainiari begira boto gehiago lortzeko Euskal Herrian probokazioa piztea". Esan dutenez, horrelakoak ugaldu egin dira azken bolada honetan, eta, besteak beste, Ciudadanos alderdiak Errenterian (Gipuzkoa) eta Ugaon (Bizkaia) antolatutako ekitaldiak aipatu dituzte.

Ertzaintzaren jarrera kritikatu dute, eta salatu dute "faxismoaren jarrera probokatzailearen aurka manifestatu zirenei" oldartu zitzaizkiela. Bost atxilotuen kontrako epaiketari dagokionez, esan dute haien datuen arabera ez dela irailean izango, auzia oraindik instrukzio fasean dagoelako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna