Noiz sortua: 2019-07-18 14:40:01

Nafarroako Gobernua

Atzeratu egin dute Nafarroako Gobernua osatzeko gaurko bilera, PSNren eskariz

Gaur eguerdian ziren biltzekoak PSNko, Geroa Baiko, Ahal Dugu-ko eta Ezkerrako ordezkariak, Iruñean, Nafarroako Gobernua osatzeko aukeraz hitz egiteko. PSNk gobernu posible bat osatzeko proposamena egin behar zuen, baina bilkura atzeratzeko eskatu du.

Nafarroako Gobernuaren osaketarako negoziazioetarako Ahal Dugu-ren ordezkaritza, asteartea, Nafarroako Parlamenturako bidean.
Nafarroako Gobernuaren osaketarako negoziazioetarako Ahal Dugu-ren ordezkaritza, asteartea, Nafarroako Parlamenturako bidean. Iñaki Porto/EFE

Berria -

2019ko uztailak 18

PSNko, Geroa Baiko, Ahal Dugu-ko eta Ezkerrako ordezkariak ez dira bilduko gaur. Sanferminetako parentesiaren ondoren, herenegun negoziazioei heltzeko bilera bat egin zuten lau alderdi horiek. PSNk gobernu egiturari buruzko lanerako dokumentu bat aurkeztu zien gainerako taldeei, eta proposamen hori aztertzen jarraitzekotan ziren gaur —12:00etan ziren elkartzekoak—. PSNren eskariz, ordea, atzeratu egin dute bilera. "Denbora gehiago" behar dutela adierazi du Ramon Alzorrizek, PSNko Antolakuntza idazkariak.

Izan ere, Geroa Baik eta Ahal Duguk ekarpenak egin dizkiote PSNren agiriari. Txibiteren alderdiak planteatutako kolore bakarreko gobernua ez, koalizio gobernu baten formula lehenesten dute Geroa Baik eta Ahal Duguk. Proposamen horiek aztertu nahi ditu PSNk, beste hiru indarrekin batzartu aurretik: "Ongi landu nahi ditugu proposamen guztiak, bilera eraginkorragoa izan dadin", adierazi du Alzorrizek. Oraingoz, PSNk ez du bilera egiteko data berririk jarri.

Zehazki, koalizio gobernu bat eratzea "ezinbestekoa" dela erabaki zuen Ahal Dugu-ren Koordinazio Kontseiluak, atzo. Bileraren ondoren, Ramon Alzorriz PSNko Antolaketa idazkariak adierazi zuen "gobernu sozialista bat" eratzea dela bere alderdiaren nahia, baina prest agertu da bestelako baldintza batzuk adosteko. Geroa Baik, bestalde, "ardurak partekatzeko gobernu bat" defendatu du, alderdi horren "esperientzia" aintzat hartuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna