Srebrenica

Herbehereek Srebrenicako hilketetan izandako erantzukizuna murriztu dute epaitegiek

Gorenak ondorioztatu du 1995ean Herbehereetako armadaren base militarrean ezkutatutako 350 gizonezko musulmanek handik bizirik ateratzeko %10eko aukera zutela baldin eta han babesten utzi izan baliete.

Srebrenicako Amak platafrmako kide bat, auzitegien kanpoaldean, Hagan. /
Srebrenicako Amak platafrmako kide bat, auzitegien kanpoaldean, Hagan. / Remko de Waal/EFE

Arantxa Elizegi Egilegor -

2019ko uztailak 19

Bosnia eta Herzegovinako independentzia gerran (1992-1995), serbiarren indarrek 8.000 gizonezko bosniak hil zituzten 1995eko uztailean. Srebrenicatik hurbil zegoen Potocari herrian gertatutakoari egiten dio erreferentzia Gorenaren epaiak. Herbehereetako kasko urdinek base militar bat zuten han, eta 5.000 herritar inguru hantxe babestu ziren. Serbiarren indarrak gerturatu ondoren, ordea, Herbehereetakoek haien esku utzi zituzten errefuxiatuak, eta horietako 300, gizonezkoak denak, hil egin zituzten.

Srebrenicako Amak plataformak NBEren eta Herbehereen aurkako salaketa jarri zuen hilketa haiengatik, eta duela bi urte Hagako Helegite Auzitegiak ebatzi zuen Herbehereetako estatuak hilketen gaineko erantzukizun "partziala" zuela, %30 zehazki —NBEren kasuan, erakundeak immunitatea duela ebatzi zuten epaitegiek—.

Orain, baina, are gehiago murriztu du estatuaren erantzukizuna Gorenak, eta %10era mugatu du. Haren arabera, hori zen 350 gizonezko musulman haiek "bizirik irteteko zuten aukera" baldin eta base militarrean babestu izan balira.

"Serbiarrek, ziurrenik, jakingo zuten bestela ere, Dutchbat base militarrean gizonezko musulmanak zeudela errefuxiatuta, haiek aurkitu eta atxilotzeko bitarteko guztiak zituztelako", dio epaiak, baina nabarmentzen du, hala izanik ere, Herbehereetako militarrek basean geratzeko aukera eskaini behar zietela, handik aterarazi beharrean.  

Gorenaren erabakia aintzat hartuz gero, Herbehereetako Gobernuak kalte-ordainen %10 ordaindu beharko liekete biktimei. Horrez gain, epaileen arabera, estatuak ez luke inolako erantzukizunik Srebrenican gertatutako gainontzeko giza eskubideen urraketetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna