23:00 aldera izan da, Bilboko Aste Nagusiaren harira Areatza inguruan jartzen duten txosnagunean. Su festaren ondoren, udaltzainak sartu dira kaleko saltzaileei materiala kentzera. Inguruan zirenek protesta egin dute, eta polizien atzetik joan dira Nafarroa kalean gora.
Plaza Biribilean, udaltzainek eta Ertzaintzaren lauzpabost furgonetak bidea itxi diete, eta tentsioa piztu da han ere. Euskadi Irratiak jakinarazi duenez, lagun bat atxilotu dute han. Bilboko Udalak bi atxiloketa baieztatu ditu, eta argudiatu du Arriaga ondoko zubian "lekua uzteko" jo zutela han zeuden saltzaileen aurka. Atxilotuetako bat adingabea da, eta aske utzi dute dagoeneko; bestea gaur goizean artean ere polizia etxean zeukaten. Udaltzainei jotzea egozten diete, agintearen aurkako atentatu delitua; zehazki, agente bati lesioak eragitea.
🔴⚠ï¸Â Adi! Munipak sartu dira lau autotan jaigunean bortizki, kaleko saltzailei merkantzia kentzera ta porrak ere erabili dituzte pic.twitter.com/bVDq3fvgvQ
— Mekauen! konpartsa internazionalista (@mekauen) August 21, 2019
Momentos de tensión que termina con incidentes en #Bilbao@eitbNoticiaspic.twitter.com/4w4aS1dNqs
— Iker Salgado (@ikersalgadoser1) August 21, 2019
Udaltzainek kale saltzaileak jazarri dituzte Arriagako zubian autoz arrapaladan sartuta. Zer segurtasun protokolo dago? Arriskua zuek zarete. #ahalkegarria@bilbao_udala
— Dylan (@DylanInglis4) August 21, 2019
@juanmariaburto
Mekauen konpartsak kontatu du, esaterako, "porrak ere erabili" dituztela udaltzainek. Herritarrek salatu dute saltzaileak kolpatu dituztela eta udaltzainek autoekin arriskua eragin dutela: "Adingabekoak, negar batean, autoek ia familiakideak harrapatu dizkietelako".
Segurtasuna norentzat? Herritar eta langileontzat ez behintzat! pic.twitter.com/X1WJ3ng6Sp
— Mikel AO (@Mikel_AO_) August 21, 2019
Ikuskizun lotsagarria gero gure begien aurrean. Adingabekoak negar batean autoek ia familiakideak harrapatu dizkietelako, lau kamiseta ziztrin konfiskatzeko... Eskerrak herritarrek jarri dizkieten mugak udaltzainei! #InorEzDaIlegala@argia@berriahttps://t.co/TCvcrVIHP7
— Aitor Salaberria (@aitorxala) August 21, 2019
Joan den astean bertan, SOS Arrazakeriak Bilboko Udalari eskatu zion udaltzainek ez dezatela "oztopatu" saltzaileen lana, eta kanpaina bat jarri zuten martxan "indarkeria arrazistarik gabeko" jaien alde.
