Noiz sortua: 2019-08-27 07:39:58

Akordiorik ez Geroa Bairen eta Ezkerraren artean senatariaren aukeraketa desblokeatzeko

Ezkerrak espero du Geroa Baik, EH Bilduk eta Ahal Dugu-k "hitzartutakoa betetzea", baina Geroa Baik uste du apirileko hauteskundeetarako eginiko ituna ez dagoela indarrean.

Aldaketa zerrendaren ekitaldia, apirilaren 25ean.
Aldaketa zerrendaren ekitaldia, apirilaren 25ean. Jagoba Manterola / Foku

Jon O. Urain -

2019ko abuztuak 27

Joan den legealdiko gobernua babesten zuten lau taldeek —Geroa Baik, EH Bilduk, Ahal Dugu-k eta Ezkerrak— bilera bat egin dute gaur, Nafarroako Parlamentuari aukeratzea dagokion senatariari buruz hitz egiteko. Izan ere, Ezkerrak dio hari dagokiola hautagaia proposatzea, lau indarrek apirilaren 28ko hauteskundeei begira eginiko hitzarmenean hala jaso zutelako. Geroa Baik, berriz, uste du itun hori posible egin zuten baldintzak aldatu egin direla, eta hautagai propioa aurkezteko asmoa du, PSNrekin ados jarrita.

Gaurko bileran, desadostasun horiek berriro agertu dira, eta nork bereari eutsi dio. Marisa de Simon Ezkerrako bozeramaileak nabarmendu du espero duela gainerako indarrek "hitzartutakoa betetzea".

Bestelakoa da Geroa Bairen argudioa. Haren iritziz, martxoan taxututako akordio hori ez dago indarrean, Aldaketa zerrendak ez zituelako eskuratu hiru senatariak. Espainiako Senaturako bozei begira, lau taldeek hitzartu zuten Aldaketa zerrendan Ahal Dugu-k, EH Bilduk eta Geroa Baik postu bana izatea eta, parlamentuak hautatzen duen senatariaren kasuan, Ezkerraren hautagaitza babestea. Hauteskundeetan, ordea, Navarra Sumak eta PSNk bina senatari eskuratu zituzten, eta bat Ahal Dugu-k.

"Espero dugu Ezkerrak, aldaketarekiko leial jokatu duen bazkideak, zilegi den desadostasun bat ez eramatea soilik gobernuaren aurkakoei mesede egingo liekeen konfrontazio batera", azaldu du Geroa Baik ohar batean. Uxue Barkosen taldeak esan du ez duela "konfrontazioan jausi" nahi Ezkerrarekin, baina ez duela bat egiten Ezkerrak akordioaz egiten duen interpretazioarekin: "Akordioa apirilaren 28an bertan erori zen, Aldaketako hautagaiek senatuan ordezkaritzarik lortu ez zutenean".

Senataria aukeratzeko, hautagaiek Nafarroako Parlamentuaren gehiengo soila behar dute. EH Bilduk eta Ahal Dugu-k esana dute Ezkerrako hautagaia babestuko dutela, eta, beraz, hamar parlamentariren botoak izango lituzke. Geroa Baik, berriz, PSNrekin ados jarrita, hogei izango lituzke, Navarra Sumak bezainbeste, eskuineko koalizioak ere asmoa baitu hautagai bat aurkezteko. Kasu horretan, Navarra Sumarentzat litzateke senataria, berdinketa izanik boto gehien jaso zituen zerrendako hautagaia aukeratu behar delako.

Hori horrela, erabakigarria litzateke EH Bilduk edo Ahal Dugu-k posizioa aldatzea. Gaurko bileran, indar subiranista Ezkerraren hautagaia babestearen alde agertu da berriro, baina Ahal Dugu-k lehentasun gisa jo du Navarra Sumak senataria ez lortzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna