Garik eta Josu Zabalak hiru kontzertu emango dituzte Bilbon Hertzainak taldearen abestiak jotzeko. Hilaren 25ean eta 26an Euskalduna jauregian eman behar dituzten kontzertuetarako sarrerak berehala saldu ziren, eta orain, beste saio bat gehitu dute, hirugarrena. Kafe Antzokian izango da hilaren 17an.
“Etxetzat daukagu Bilboko Kafe Antzokia. Euskal komunitatearen arnasleku, lotura sakona daukagu eraikinarekin eta hari bizia ematen dioten ehunka euskaltzalerekin. Horregatik, kontzertu berezia eskainiko dugu Euskalduna-ko kontzertuen aurretik. Ilusio handia egiten digu eskailera horiek igo eta zuen aurrean jotzeak”, azaldu dute Garik eta Josu Zabalak sare sozialetan.
