Memoria Historikoa

Espainiako Gobernuak frankismoaren biktimen "babesgabetasuna" aitortu du

Espainiako Justizia Ministerioak Europako Parlamentuari bidalitako idatzi batean dio legezko neurriak hartzeko asmoa duela frankismoaren biktimei babesa emateko. Martxoak 3 elkarteak aurrerapauso "txiki" bat dela uste du, baina gobernuaren inkoherentzia salatu du.

Martxoak 3 elkartearen agerraldi bat, joan den otsailean.
Martxoak 3 elkartearen agerraldi bat, joan den otsailean. Endika Portillo/Foku

Gorka Berasategi Otamendi -

2019ko irailak 10

Espainiako Gobernuak lehenengoz aitortu du frankismoaren biktimen "babesgabetasuna", Europako Parlamentuaren aurrean. Babesik eza "agerikoa" dela ere gaineratu du. Hitz horiek jasotzen ditu Justizia Ministerioak Europako Parlamentuaren Eskari Batzordeari bidalitako erantzunak. Idatzi horretan dio Memoria Historikoaren Zuzendaritza Nagusiak asmoa duela "frankismoaren biktimei legezko babesa emango dien erreformetan aurrera egiteko".

Martxoak 3 frankismoaren biktimen elkarteak eman du Espainiako Gobernuaren erantzunaren berri. Madrilek biktimen babesgabetasuna aitortu izana urrats "txiki" bat dela adierazi dute, baina inkoherentzia leporatu diote gobernuari, oraindik ez duelako neurririk hartu biktimen eskubideak bermatzeko. "Gogoratu beharrekoa da PSOEk 2018ko martxoan —gobernuan sartu baino bi hilabete lehenago— Amnistia Legea moldatzearen kontra bozkatu zuela eta ez duela inolako neurri eraginkorrik ezarri zigorgabetasun egoera amaitzeko".

Horrez gain, elkarteak nabarmendu du Espainiako Gobernuak eragotzi egin duela frankismoaren krimenengatik Argentinan auzipetuta daudenen estradizioa. Salatu dute Espainiak ez duela bete Argentinako Justiziaren nazioarteko atxilotze agindua, eta, ondorioz, bi estatuen arteko Estradiziorako eta Laguntza Judizialerako ituna urratu duela.

Justizia Ministerioak ez du azaldu zergatik ez duen bete Buenos Airesko 1. Epaitegi Kriminalaren atxilotze agindua. Soilik adierazi du Memoria Historikoaren Zuzendaritza Nagusiak ez duela eskumenik judizializatutako auzietan.

Martxoak 3 elkartea Europako Parlamentuan ari da salatzen 1976ko martxoaren 3an Gasteizen izan ziren gertakarietako biktimen babesgabetasuna, eta, horien bidez, frankismoaren biktima guztiena. 2018ko uztailean elkarteko hainbat kidek agerraldia egin zuten batzordean, azalpenak emateko. Elkarteak Europako Parlamentuari eskatu zion exijitu diezaiola Espainiari zigorgabetasun neurriak indargabetzeko.

Eskari horren harira, Eskari Batzordeak azalpenak eskatu zizkion Espainiako Gobernuari, eta hari emandako erantzunean aitortu du Madrilek frankismoaren biktimen babesgabetasun egoera. Erantzunak 2019ko apirilaren 30eko data du.

Martxoak 3 elkarteak ezinbestekotzat jo du beste behin Europako Batasuneko erakundeek Espainiako Gobernuari exijitzea zigorgabetasun neurriak indargabetu ditzala eta abian jar ditzala biktimen eskubideak bermatzeko beharrezkoak diren lege erreformak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aran Erasun, Aitziber Blanco, Aizpea Goenaga eta Felix Arrieta. ©JON URBE / FOKU

Bizikidetzaren lurra goldatzen

Jon O. Urain

Bost urteko bidea egin du bizikidetzaren aldeko Donostiako Herritar Foroak. Euskal gatazkari eta nork bere jokaerei begiratzeko plaza izan da kideentzat; hitza hartzeko bezainbat, entzuteko.

Gorka Urtaran, alkatea izendatzeko udalbatzan, 2019ko ekainean. ©E. P. / FOKU

Gasteizko aurrekontuak adostu dituzte Urtaranen gobernuak eta EPk

Jon O. Urain

Elkarrekin taldeko zinegotzien abstentzioari esker onetsiko dira kontuak. Azpiazu eta Gorrotxategi hirugarrenez batzartuko dira, gaur
Sare plataformak deituta joan den larunbatean eginiko mobilizazioetako bat; Irudian, Gasteizkoa. ©Endika Portillo / Foku

Beste hiru preso gerturatuko dituzte, eta bat Euskal Herriratuko dute

Jon O. Urain

Jon Bienzobas, Aitor Agirrebarrena eta Iñaki Etxeberria gerturatuko dituzte, eta Patxi Markes Euskal Herriratu. Unai Fanori hirugarren gradua eman diote.

 ©Juan Carlos Ruiz / Foku

«Ona da kritikoak izatea, baina ez hiperkritikoak izatea»

Unai Zubeldia - Gipuzkoako Hitza

2007an izendatu zuten, lehenengoz, Gipuzkoako ahaldun nagusi, eta, 2011tik 2015era oposizioan egon ondoren, hamargarren urtea betetzen ari da karguan. Markel Olano arduratuta dago egungo egoerarekin, baina sinetsita dago bide onean ari direla lanean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.