Hezkuntza

Produktibitatea "balio etikoekin" lotzeko eskatu du EHUko errektoreak

EHUko ikasturte berria hasteko ekitaldia egin dute gaur Gasteizko campusean. Balluerkak, 2019-2020ko ikasturteko helburuak ez ezik, orain arteko erronkak eta konpromisoak ere azpimarratu ditu. Urkulluk, berriz, esan du helburu horiek "kalitatezko zerbitzu" baten aldekoak direla.

Nekane Balluerka EHUko errektorea, Iñigo Urkullu Jaurlaritzako lehendakaria eta Cristina Uriarte Jaurlaritzako Hezkuntza sailburua, EHUko irekiera ekitaldian
Nekane Balluerka EHUko errektorea, Iñigo Urkullu Jaurlaritzako lehendakaria eta Cristina Uriarte Jaurlaritzako Hezkuntza sailburua, EHUko irekiera ekitaldian Endika Portillo / FOKU

Amaia Ramirez de Okariz Kortabarria -

2019ko irailak 11

Etika eta alde ekonomikoaren arteko harremana. Hori izan da aipagai Euskal Herriko Unibertsitateko ikasturte berriko irekiera ekitaldian, Gasteizko campuseko Letren Fakultatean. Hain zuzen ere, Nekane Balluerka EHUko errektoreak esan du balio etikoak ez direla oztopo produktibitatearentzat, baizik eta “aliaturik onenak”. Eta bikaintasuna ere izan du gogoan: “Etilismoa eta bikaintasuna desberdindu behar dira; unibertsitate lehiakor batek bikaintasunaren alde egin behar du apustu”. Iñigo Urkullu Eusko Jaurlaritzako lehendakariak, berriz, gaineratu du bikaintasun horrek “ebaluazioaren eta hobekuntzaren aldeko jarrera” eskatzen duela.

Zientzia eta gizarte zientzien arteko elkarlana, finantziazio publikoaren eta pribatuaren beharra, edota nazioarteko harremanak ere kontuan hartu behar direla azaldu du EHUko errektoreak: “Lau helburu horiekin adierazi daiteke unibertsitate euskaldun, publiko, bikain eta inklusiboaren identitatea”. Eta Urkulluk gaineratu du helburu horiekin posible izango dela “kalitatezko zerbitzu” bat eskaintzea.

Erronkak eta konpromisoak

Ikasturte honetako helburuak ez ezik, 2018-2019ko ikasturtean izandako erronkak eta hartutako konpromisoak ere aipagai izan dira aurkezpenean. Prestakuntza dualeko eskaintza, ikerketaren aldeko apustua eta nazioarteko harremanak ziren erronketako batzuk. “Bat gatoz erronka horiekin”, esan du Urkulluk.

Konpromisoei dagokienez, euskara eta euskal kultura, indarkeria matxistaren aurkako borroka, eta "babes sistematik" igaro diren gazteei laguntzeko Arrakasta programa izan ditu gogoan Balluerkak. Hark nabarmendu du EHUk konpromiso “sendoa” erakusten duela euskararen eta euskal kulturaren alorrean. Baita indarkeria matxistaren kasuetan ere: “Protokolo berri bat abiarazi dugu hainbat jazarpen eta indarkeria kasuri aurre egiteko; Euskal Herriko Unibertsitatea feminismo instituzionalaren erreferente bihurtu da”. Azkenik, azaldu du Arrakasta programari esker posible izan dela "babes sistematik" igaro diren zenbait haur eta nerabek unibertsitaterako sarbidea edukitzea.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna