Albistea entzun

Bertsolaritza

Haritz Mujika eta Beñat Iguaran, final-laurdenetara

Gipuzkoako Bertsolari Txapelketako hurrengo bi saioak asteburuan izango dira, Ordizian eta Zumaian.

Beñat Iguaran bertsotan, Amasa-Villabonan.
Beñat Iguaran bertsotan, Amasa-Villabonan. Bertsozale Elkartea

Erredakzioa -

2019ko irailak 16

Oñatiko Santa Ana antzokian jokatu zen, larunbatean, Gipuzkoako Bertsolari Txapelketako lehen final-zortzirena, eta Haritz Mujikak irabazi zuen, 447 puntu eskuratuta. Horrenbestez, urriaren 20an Irunen jokatuko den final-laurdenetarako sailkatu da zuzenean. Kantukide izan zituen bost bertsolariak hurrenkera honetan geratu ziren: Maider Arregi (436), Felix Zubia (428,5), Amaia Iturriotz (416,5), Aratz Igartzabal (403) eta Andoni Mujika (380,5).

Atzo, berriz, Beñat Iguaranek lortu zuen hurrengo fasera pasatzeko txartela, Amasa-Villabonako saioa irabazita. 440,5 puntu lortu zituen, eta haren atzetik Iñigo Mantzizidor (433,5), Maialen Akizu (432,5), Iban Urdangarin (420,5), Oier Etxeberria (408,5) eta Odei Lopez (392,5) geratu ziren. Andoaingo final-laurdenean kantatuko du Iguaranek, urriaren 19an.

42 bertsolarik parte hartuko dute guztira final-zortzirenetan. Zazpi saio izango dira, eta irabazleak ez ezik, puntuaziorik altuena lortzen duten hamazazpiak sailkatuko dira final-laurdenetarako. Asteburu honetan izango dira hurrengo bi saioak. Larunbatean, Ordiziako Herri Antzokian, Ainhoa Agirreazaldegik, Aitor Urbietak, Ane Zuazubizkarrek, Asier Azpirozek, Beñat Lizasok eta Manex Mujikak kantatuko dute; igandean, berriz, Zumaiako Aita Mari zineman, Ander Lizarraldek, Beñat Jauregik, Gorka Maizek, Iñigo Gorostarzuk, Jokin Bergarak eta Unai Muñoak.

Aipatzekoa da jende ugari elkartu dela lehen bi saioetan. Sarrera guztiak amaitu egin ziren aurrez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b><em>Simone Veil <em>pastoraleko mustraka bat; 95 arizale aste hondar guziez elkartzen dira.</em> </em></b> ©SEVERINE DABADIE

Veil pastorala hasia da ate joka

Ainize Madariaga

Hiru emanaldi eginen ditu 'Simone Veil' pastoralak Muskildin: uztailaren 24an eta 31n, eta agorrilaren 6an. Bostehun lagunendako bazkaria prestatuko dute ikastolek egunotan
Sarrerak salgai, bertsosarrerak.eus gunean. ©

Bertsolari Txapelketarako sarrerak erosteko moduan daude, arazo teknikoak konponduta

Edu Lartzanguren

Atzo jarri zuten martxan sarrerak saltzeko sistema, baina, eskaera kopuru handia zela-eta, gainezka egin zuten zerbitzariek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...