Espainiako hauteskundeak

Errejonen alderdiak bozetara aurkeztea erabaki du

Asanblada egin dute gaur, eta gehiengo zabala azaldu da azaroaren 10ean egingo diren bozetara aurkeztearen alde.

Bozketaren unea
Bozketaren unea @MasMadrid__

Berria -

2019ko irailak 22

Iñigo Errejon bera ez da izan batzarrean, erabakia ez zuela baldintzatu nahi argudiatuta. 350 lagun elkartu dira, eta adostasun handia izan da erabakian. Ez dute bozkatu nor aurkeztuko den, eta lan horri lotu beharko zaizkie orain. Baina, badirudi Errejon bera dela hautagai nagusia. Bileran ere halaxe esan dute hainbat kidek.

Kartulinekin egin dute bozketa, eta ia erabatekoa izan da kolore berdea.

Espainiako ezkerraren boto banaketa erabat baldintzatu dezake honek. Orain ordezkaritza duten alderdiek gobernua osatzeko akordiorik lortu ez izanak frustrazioa sortu du herritarrengan, eta ikusteko dago PSOEko eta Podemoseko botoemaileek zein bide hartuko duten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna