Indarkeria matxista

Bizi osorako itxialdira zigortu dute Melodie Masse hiltzea egotzita epaitutako gizona

Zortzi orduko eztabaida behar izan du Pirinio Atlantikoetan Zigor Auzitegiak zigorra ebazteko

Melodie Masseren heriotza salatzeko Donostian egindako elkarretaratzea.
Melodie Masseren heriotza salatzeko Donostian egindako elkarretaratzea. Jon Urbe/Foku

Arantxa Iraola -

2019ko irailak 27

Bizi osorako itxialdia ezarri diote zigor gisara Cedric Bernasconiri, Uztaritzen (Lapurdi) emakume gazte bat hiltzea egotzita Pirinio Atlantikoetako Epaitegiko Zigor Auzitegian epaitu duten gizonari. Pauen izan da epaiketa, asteon. Gaur jakinarazi dute ebazpena, zortzi orduko eztabaidaren ostean.

2017ko irailaren 13an izan zen hilketa; Masse emazte gaztea zen, 23 urte zituen, eta haurdun zegoen, zortzi hilabeteko. Bakarrik zegoen etxean erasoa pairatu zuenean. Hasiera batean haren mutil lagunaren inguruan egin zituen Poliziak ikerketak, baina aurki susmoa hartu zioten Cedric Bernasconi 38 urteko gizonezkoari, eta hiltzailea izatea leporatu zioten.

Auzipetuaren aldeko argudio gisara erabili du defentsak buruko nahasmendu larri bat duela, eta eragina izan zuela horrek haren jokabidean. Zigorra jartzeko orduan, ordea, ez dute hori aintzakotzat hartu. Helegitea jar dezake defentsak ebazpenaren kontra.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Errepidea blokeatuta Manilan, kasu kopuru handiaren ohartarazpena egiten duen kartel batekin. ©FRANCIS R. MALASIG / EFE

COVID-19ak munduan hemezortzi milioi kasuren langa gainditu du

Jone Bastida Alzuru

OMEk ohartarazi du kasuak bikoiztu egiten direla sei astetik behin. Erakundearen arabera, baliteke inoiz ez egotea sendabiderik. Uztailean inoiz baino kasu gehiago hauteman dituzte munduan

Angeluko hondartza. ©Guillaume Fauveau

Angelu eta Miarritzeko gaueko garraioak geldituko dituzte

Ekaitz Etxamendi

Euskal Hirigune Elkargoak jakinarazi du Angelu (Lapurdi) eta Miarritzeko (Lapurdi) hondartzetako gaueko garraioak geldituko dituztela, Covid-19aren hedapena murrizteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna