Portugal

Gehiengo osoa lortzeko zorian egon da Costaren Alderdi Sozialista

Gehiengo osoa lortzetik hamar eserlekura geratu dira sozialistak Portugalen. Lehen aldiz, eskuin muturrak ere ordezkari bat izango du Legebiltzarrean, botoen %1,3 eskuratuta. Abstentzioa %45 izan da.

Antonio Costa, jarduneko lehen ministroa, atzo, Lisboan. /
Antonio Costa, jarduneko lehen ministroa, atzo, Lisboan. / Manuel Almeida/EFE

Arantxa Elizegi Egilegor -

2019ko urriak 7

Ez dute ezarritako helburua lortu, baina bai beste lau urtez agintzeko aukera. Antonio Costa lehen ministroaren Alderdi Sozialista izan da asteburuko bozetako irabazlea, nahiz eta gehiengo osoa eskuratu ez. Botoen %36,6 lortu dituzte sozialistek, eta, beraz, 106 eserleku izango dituzte —hamar gehiago beharko lituztek gehiengo osoa izateko—.

Bigarren tokian geratu da Alderdi Sozialdemokrata botoen %27,90 eta 77 diputatu lortuta. Jarraian leudeke sozialisten gobernukide posibleak, Ezkerreko Blokea (%9,7 ) eta Alderdi Komunista (%6,7). Ondo bidean, sozialistek nahikoa lukete bi alderdi horietako bakarraren sostengua gobernua osatzeko. Baina Alderdi Komunistak, zeinak bost eserleku galdu dituen aurreko bozekin alderatuta, dagoeneko iragarria du ez duela Costaren gobernua babestuko, baldin eta bere baldintzak onartzen ez badizkio.

Soldatak hileko 90 euro igotzea, gutxieneko soldatak 850 euro izatea eta Europako Banku Zentralak, Nazioarteko Diru Funtsak eta Europako Batzordeak bultzatutako lan erreforma bertan behera uztea dira komunisten baldintzetako hiru. Antzekoak dira Ezkerreko Blokearen eskaerak ere. Hark 800 euroan ezartzen du gutxieneko soldata, eta osasun zerbitzu publikoetarako kontratazioak ugaritzeko ere galdegin die sozialistei.

Ezkerrak ez du irabazi nahi adina, baina eskuinean handiagoa izan da porrota. Ohiko eskuineko alderdiek ez dute lortu espero zuten arrakasta, baina, lehen aldiz, eskuin muturrak ordezkaritza eskuratu du Parlamentuan, botoen %1,3 eskuratuta. Chegak —Nahikoa da portugesez— eserleku bat izango du Parlamentuan, Andre Ventura diputatuarena. Hark lasaitasuna eskatu du, eta nabarmendu "alderdi demokratikoa" dela berea eta ez dagoela "urduri jartzeko arrazoirik".

Eskuin muturraren gorakada bat dator sozialdemokraten gainbeherarekin. Sozialdemokratek emaitzarik okerrenak lortu ditu 1983tik; ondorioz, alderdiak dagoeneko iragarria du Assunçao Cristas alderdiburuak kargua utziko duela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna