Noiz sortua: 2019-10-07 13:41:01

Enpresak

CAFek Europa zaharraren konkistan jarraitzen du

Birminghamen eta Venezian kontratu bana egin du, eta, guztira, 110 milioi euroren salmentak lortu ditu.

Solaris Urbino autobus modeloa, erabat elektrikoa.
Solaris Urbino autobus modeloa, erabat elektrikoa. CAF

Xabier Martin -

2019ko urriak 7

CNMV merkatu arautzaileari jakinarazi dionez, Beasaingo (Gipuzkoa) CAF konpainiak ongi baino hobeto ekin dio urriari, kontratu handi bi egin baititu: bata, Erresuma Batuan, Birminghanen; eta bestea, Italian, Venezian. Ingalaterrako hirira 21 tranbia bidaliko ditu, 90 milioi euroren truke; eta Italiakora, 30 autobus elektriko, Solaris etxeko Urbino12 modelokoak; Italiako hori hamar milioi euroko salmenta da, autobusena ez ezik baterien kargarako azpiegitura ere CAFen esku utzi baitu ACTV SPA Veneziako garraio kudeatzaileak.

Kontratu bi horiek islatzen dute CAFen nabaritzen ari diren joera argi bat: Ingalaterra tren merkatu oparo baino oparoagoa bihurtu da azken urteetan, eta Italiakoa beste hainbeste autobus elektrikoei begira. Duela hilabete gutxi, Milango hiriak 250 Solaris erosteko eskaera egin zuen.

Birminghango kontratuak, gainera, eskaera handitzeko aukera dakar sinatutako idatzian. Operadoreak 29 tranbia gehiago eska dezake 2020ko hamarkadan barna. Lehen tranbiak 2021. urteko hondarrean entregatuko ditu Beasaingo konpainiak; edonola ere, ibilgailuen mantentze lanak ere egingo ditu 30 urteko epean, behar diren gai berri guztiak hornituz.

Katenariarik gabe

Ez da CAFek Birminghanen saltzen duen estreinako aldia. 2012. urtean, Urbos modeloko 21 tranbia jarri zituen martxan han, eta 2018. urtean, berriz, tranbia horiek mugitzeko Greentech energia-biltegi sistema erosi zioten CAFi, ion-litio bateriekin, katenariaren sistema gainditzeko. Orain saldu berri dituen Urbos berriek, izan ere, energia biltzeko sistema are berriagoa izango dute, eta ez dute beharko, hortaz, argindar sistema bat trenbidean, katenaria alegia.

CAFeko Erresuma Batuko arduradun Richard Garnerrek esan du konpainiaren Urbos tranbiak izango direla lehenak energia biltzeko sistema batez ibiltzen direnak Erresuma Batuan, intentsitatea handiko linea batean.

Italian egindako salmentak, bestalde, balio handikoa izango da kopuru ekonomikotik harago. Venezia turismo hiririk garrantzitsuenetakoa da, eta Solarisen autobusek erronka handia izango dute hainbeste bidaiari behar bezain laster eta ondo eramateko. Eta hori guztia hiria kutsatu gabe egingo dute. Zerbitzu publikoaren bidez, ingurumenari laguntzeko helburua duten hiri handientzako eredu garrantzitsu bihur daiteke Veneziarena. Lido eta Pellestrina uharteetan emango dute zerbitzua, eta han ibiltzen diren diesel autobusak ordezkatuko dituzte.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Koronabirusak adinekoei eragin die batez ere. ©JON URBE / FOKU

Nafarroan eta Araban bikoiztu egin zen heriotza kopurua birusak goia jo zuenean

Garikoitz Goikoetxea

Erregistro Zibiletako datuek azaleratu dute nola eragin duen COVID-19ak heriotzetan: bost astean, espero baino 2.100 gehiago hil ziren, datu ofizialetan 1.400 azaldu arren

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Donostiako Axular lizeoko ikasgela bat, maiatzaren 25ean, ikasle batzuk eskolara itzuli ziren egunean. / ©Gorka Rubio, Foku

Irailean ikasturtea normaltasunez hastea aurreikusten du Eusko Jaurlaritzak

Jon Ordoñez Garmendia

Maila guztietan eta gela murrizketarik gabe hasiko litzateke, osasun krisia ondo bidean. Jangela eta garraio zerbitzuak normaltasunez hastea ere aurreikusten du, baina DBH eta Batxilergoko ikasleek ordutegi jarraitua izango lukete, etxean bazkaldu dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna