Albistea entzun

Musika

Ondarroatik Bilbo eta Iruñera hedatuko da Redstone Soluk musika zikloa

Formatu txikiko kontzertuak egingo dituzte bihar hasi eta abendura bitartean. Laruoba eta Petti ariko dira, gaur, Katakraken (Iruñea); Mikel Uraken, ostegunean, Biran (Bilbo); eta Montauk, ostiralean, Portuko Ranpin (Ondarroa, Bizkaia)

Montauk taldea Ondarroan izango da ostiralean.
Montauk taldea Ondarroan izango da ostiralean. Dani Arrizabalaga

Mikel Lizarralde -

2019ko urriak 7

Laugarren urtez antolatu dute, aurten, Redstone Soluk musika zikloa. Ondarroan egin da orain arte, baina oraingoan Bilbora eta Iruñera zabaldu dute programazioa. Aiert Goenaga antolatzaileak azaldu duenez, zikloaren hastapenetan jarritako helburuei eusten diete oraindik ere, "herriko kultur eskaintza osatu eta herritarrak euskal musikara gerturatu, euskal kulturaren transmisioa lantzeko bitarteko eraginkor bat izateko asmoz. Baina aurten Ondarroatik kanpo ere bai".

Redstone Soluk sarea izango da hemendik aurrera, Lutxo Egia Bilboko Bira guneko kideak azaldu duenez: "Euskara, kultura eta saretze lanak ongi definitzen dute Bira proiektuaren esentzia, eta Redstone sareak horiek guztiak biltzen dituenez, ez genuen bi aldiz pentsatu proiektuaren parte izateko aukera izan genuenean".

Iruñeko Katakrakekin osatuko da hirukia. Hedoi Etxarte hango arduradunetako batek uste du Redstone Soluk oso ondo egokitzen dela Nafarroako hiriburura: "Finean Iruñeak ere badu herri izaeratik asko, eta, proiektuaren filosofia zein den ikusita, oso ondo funtzionatuko duela uste dugu. Denborak erakutsiko digu hiru hiriguneetako ekosistema kulturala aberasteaz haragoko ondoriorik utziko duen ala ez. Lehen harria ipini da".

Aurreko urteetan programazio osoa iragarri izan dute aurretik, baina, oraingoan, pixkanaka joan nahi dute, eta, oraingoz, aste honetan izango diren kontzertuen berri eman dute. Honako hauek dira:

Astertea 8: Lauroba eta Petti (Katakrak, Iruñea).

Osteguna 10: Mikel Uraken (Bira, BIlbo).

Ostirala 11: Montauk (Portuko Ranpi, Ondarroa).

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ahomentan: Agertoki berri baterako lanak

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Joxean Muñoz Otaegi eta Amagoia Gurrutxaga Uranga, Donostian. ©Maialen Andres, FOKU

Agertoki berri baterako lanak

Itziar Ugarte Irizar

Badira zenbait auzi behin eta berriz agertzen direnak kulturgileen ahotan, maiz urgentzia forman; dela sortzaileen prekaritatea, dela euskal kulturaren bazterreko egoera. Epe motzean horiek beste leku batean ezartzeko mugimenduak bidean dira, baina badira askatu gabeko eztabaidak ere.

Hazia musikaleko dantzariak, entseatzen, Errenteriako Dantzagunean (Gipuzkoa). ©ANDONI CANELLADA / FOKU

Kooperatiben aitzindariaren fruitua

Andoni Imaz

Gontzal Mendibil musikariak Jose Maria Arizmendiarrieta kooperatiben sustatzailearen bizitza kantu bihurtu du, 'Hazia' musikala sortzeko. Datorren irailaren 17an estreinatuko dute, Arrasaten.

'Orelhas' irudia. ©Alex Rozados.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...