Albistea entzun
Emakumeen aurkako indarkeriari ez
Emakumeen aurkako indarkeriari ez

Adierazpen askatasuna

Estrasburgok tramiterako onartu du Abel Azkonaren erakusketa baten kontrako salaketa

Abogados Cristianos (Abokatu Kristauak) elkarteak jarri du salaketa. Espainiari zigor ekonomikoa ezartzeko eskatu dio Giza Eskubideen Europako Auzitegiari.

Abel Azkona artista, Desterrados erakusketan jarri zuen Amen obra prestatzen.
Abel Azkona artista, Desterrados erakusketan jarri zuen Amen obra prestatzen. Abel Azkona Tamaina handiagoan ikusi

Berria -

2019ko urriak 8 15:59

Estrasburgoko auzitegiak aintzat hartu du Abogados Cristianos elkarteak Abel Azkona artistaren erakusketa baten harira aurkeztu duen salaketa. Amen erakusketaren harira aurkeztu du salaketa. Azkonak ostia kontsakratuekin pederastia hitza osatu zuen erakusketa horretan. Espainiari zigor ekonomikoa ezartzeko galdegin du elkarteak, estatuak Giza Eskubideen Europako Ituna urratu duelakoan.

Elkartearen esanetan, Espainiako Estatuak itunaren lau artikulu urratu ditu: babes judizial efektiboa babesten duena, bizitza pribaturako eskubidea defendatzen duena, erlijio askatasuna aitortzen duena eta diskriminatua ez izateko eskubidea jasotzen duena.

Ez da ohikoa izaten Giza Eskubideen Europako Auzitegiak halakoak onartzea. Polonia Castellanos elkarteko presidenteak nabarmendu duenez, "salaketen %2 bakarrik" hartzen dira aintzat. Haren esanetan, auzitegiaren erabakia arrazoizkoa da, Azkonaren erakusketa "Espainiako historian izan den profanaziorik handiena" izan delako.

Elkarteak Azkonaren kontrako salaketa jarri zuen Espainiako hainbat epaitegi eta auzitegitan, baina salaketa artxibatua izan da instantzia guztietan. Lehenengo, Iruñeko 2. Instrukzio Epaitegiak baztertu zuen; erabakiaren kontrako helegitea aurkeztu zuen elkarteak Nafarroako Auzitegi Nagusian eta Auzitegi Konstituzionalean, baina bi auzitegi horiek ere artxibatu egin zuten auzia.

Estrasburgoko salaketaz gain, abokatu elkarteak Azkona salatu du Gorroto Delituen Fiskaltzaren aurrean ere, joan den urriaren 3an Twitterren bota zuen txio batengatik: "Elizak erretzeko gau ederra gelditu da", adierazi zuen.

Elkarte salatzaileak Estrasburgori eskatu dio Espainiari zigor ekonomikoa ezartzeko. Azaldu duenez, 285.000 euroko zigorra eskatu du, Azkonak bere obra kopuru horrengatik saldu zuela adierazi duelako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Bertsozale Elkartea

Nerea Ibarzabal irabazle Baionan

Olatz Enzunza Mallona

671,5 puntu lortu ditu Ibarzabalek, eta bigarren egin du Sustrai Colinak, 668 puntu eskuratuta. Ondotik geratu dira, hurrenez hurren, Beñat Gaztelumendi, Julio Soto, Unai Agirre eta Eñaut Martikorena.

<b>Amurrioko saioa.</b> Joan den larunbateko saioa, Amurrioko Bañueta kiroldegian. ©GARI GARAIALDE

Iristen aurren, eta joaten azken

Miren Mujika Telleria

Baionan jokatuko da gaur Bertsolari Txapelketa Nagusiko bigarren itzuliko bigarren saioa. Ohi bezala, 17:00etan hasiko da. Aulki, soinu eta foku; pronto izango dira den-denak ordurako. Bertsozale Elkarteko ekoizpen taldeak du horren ardura. Zein da, baina, horren atzean dagoen inurri lana?
Indar Trabesen lehen kontzertua fikzioan irudikatzen, herenegun, Mutrikuko Venezia diskotekan. ©JON URBE / FOKU

Itoiz taldearen lehen printzak

Jone Bastida Alzuru

Doxa ekoiztetxea eta Larraitz Zuazo zuzendaria Itoiz taldeari buruzko pelikula bat prestatzen ari dira, dokumentalaren eta fikzioaren artean mugitzen dena. Mutrikun izan dira filmatzen.

Ekoetxea Urdaibaik hizkuntza indigenen erakusketa bat jarri du ikusgai. ©Monika del Valle / Foku

Hizkuntza jasangarriak

Amaia Igartua Aristondo - Bizkaiko Hitza

Busturiko Urdaibaiko Ekoetxeak erakusketa batean bildu ditu 11 hizkuntzatan emandako testu batzuk eta haien euskarazko itzulpenak: 'Hizkuntza indigenak, Ama Lurra zaintzen'. Abenduaren 18ra bitartean bisitatu ahalko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.