Albistea entzun

Enpresak

"CAF Palestinaren aurkako politiken alderdi aktibo eta protagonista izango da"

Langile batzordeak salatu du Jerusalemgo tranbia berria eraikitzean CAFek ezingo duela bermatu langileen segurtasuna: "CAFeko langileek gatazka eremu batera joan beharko dute lanera".

Jerusalemgo tranbia.
Jerusalemgo tranbia. CLAUDE VILLETANEUSE / EFE

Xabier Martin -

2019ko urriak 8

Abuztuan jakin zen Beasaingo CAF konpainia aukeratu dutela Jerusalem hirian tranbia berria eraikitzeko, Israelgo Saphir eraikuntza enpresarekin batera. Enpresen partzuergo hori arduratuko da ibilgailuak fabrikatzeaz ez ezik baita azpiegitura guztiaz ere. CAF arduratuko da tranbia berriak hornitzeaz nahiz beste linea batzuetan lehendik daudenak birgaitzeaz. Horrez gain, seinalizazio eta energia sistemak banatzeaz eta trenen mantentze lanaz ere arduratuko da. Bada, CAFeko langile batzordeak aho batez onartu du Israelgo estatuak bultzatu duen proiektu horren aurka idatzi argi bat, eta enpresa zuzendaritzari igorri dio, berriro proiektua bertan behera utz dezala eskatuz. Izan ere, batzordearen arabera, "CAF ez da izango trenbide sistema huts baten hornitzailea bakarrik; Palestinako herriaren aurkako politiken alderdi aktibo eta protagonista ere izango da".

Batzordeak berak azaldu du proiektuaren berezitasuna dela azpiegitura hori "Palestinako lurretan legez kanpo eraikita dauden Israelgo kokaguneak lotzeko" erabiliko dela.  "Agintariek okupazio hori legezkotu eta iraunkortu  nahi dute, biztanleei azpiegitura eta garraiobide normalizatuak egokituta". Langileen ordezkari sindikalek gogoratu dute NBE Nazio Batuen Erakundeak legez kanpokotzat hartzen dituela Jerusalem Ekialdeko lurretako okupazioak; "hala, indar okupatzaileak ezarritako lan hori ere legez kontrakoa da nazioarteko zuzenbideari dagokionez".

CAFeko presidente Andres Arizkorretak, ordea, berriki azaldu du egoeraren "azterketa etikoa eta legezkoa" egin duela enpresak, eta azterketa horrek "berretsi" egin duela "CAF nazioarteko legeekin eta giza eskubideen oinarriekin betetzen ari dela". Arizkorretak erantsi du enpresa ez dela sartuko "politika edota ideologia mailako balorazioetan".

Otsaileko eskaera

Ez da lehenengo aldia CAFeko langile batzordeak Israelgo proiektuaren arriskuaz ohartarazten duela. Joan den otsailean, Zuzendaritzari eskatu zion atzera egin zezala eta lehiaketa horri uko egin ziezaiola, eta Palestina Askatzeko Erakundeak esker ona azaldu zien langileei. "Zuen ekintza eta ahalegina eredu da langile europar askorentzat, eta haiek ere zuek erakutsi duzuen duintasun, irmotasun eta etika maila bera izatea espero dugu", adierazi zuen Saeb Erekat PAEko idazkariak. Baina CAFeko zuzendaritzak, "nazioarteko legediari ere aurka eginez, negozioa egitea erabaki du". Eta negozio horrek ondorio larriak eragin ditzakeela uste du batzordeak: "Inork ezingo du CAFeko langileen segurtasuna bermatu obran bertan lan egin behar izanez gero. CAFeko langileek gatazka eremu batera joan beharko dute lanera; beraz, CAFeko zuzendaritzak bere langileak jartzen ditu arazoaren erdigunean".

"Ekar litzakeen ondorioak eta CAFeko etorkizuna aintzat hartuta", batzordeak otsaileko eskaera berritu du irmotasunez: "Obra horretan parte ez hartzeko oraindik garaiz gaudela uste dugu. Berriz ere eskatzen diogu zuzendaritzari ez dezala parte har Jerusalemgo tranbiaren linea berriaren proiektuan".

Europako enpresarik garrantzitsuenak atera egin ziren proiektu horretatik lizitazioa eman aurretik, hala nola Alstom, Siemens eta Systra (Frantziako SNCFen adarra), Kanadako Bombardier eta Australiako Mcquarie ere. Boikotaren ondorioz, azkenean bi talde soilik geratu ziren enkantean: bata, CAFena, eta bestea, enpresa hauek osatutakoa: Shikun & Binui eta Egged (Israel), CRRC (Txina), Comsa (Espainia), Efatec (Portugal) eta MPK (Polonia). Palestinako agintaritza Espainiako Gobernuarekin harremanetan jarri dela zabaldu da azken egunetan, Madrilek esku har dezan, eta hark CAFi eskatzeko obra horretan parte hartzeari uko egin diezaiola.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...