Espetxe onurak

Bi hilabeteko epea du orain Espetxe Zuzendaritzak presoen gradua erabakitzeko

Fiskaltzak eskatua zuen akusatuei hirugarren gradurik ez ezartzeko zigorraren erdia betea izan arte. Haatik, Gorenak ez du halako baldintzarik jaso bere epaian.

ERCren kanpainako autobusa, apirileko hauteskundetan, Lledonerseko espetxean sartzen.
ERCren kanpainako autobusa, apirileko hauteskundetan, Lledonerseko espetxean sartzen. Susanna Saez/Efe

Edurne Begiristain -

2019ko urriak 14 11:05

Auzitegi Gorenak ez du aintzat hartu fiskalaren eskaera, eta beraz, zigortutako bederatzi buruzagi independentistek hirugarren gradua eskuratu ahal izango dute zigorra indarrean jarri eta berehala. Auzitegi Gorenak zehaztu du hark ezin dituela aurrez debekatu espetxe zaintzak har ditzakeen erabakiak, baina ohartarazi du, halaber, berea izango dela azken hitza espetxe onurei dagokienez.

Graduz aldatzeko, beharrezkoa da presoak eskatzea, preso dagoen kartzelako Tratamendu Batzordean —hiru espetxetan daudenez, hiruretako Tratamendu Batzordeek erabaki beharko lukete—. Tratamendu Batzordeek eskaerak onartuz gero, erabakia berretsi beharko luke Espetxeko zuzendaritzak —bi erakunde horiek Generalitatearen barruan daude, eta, beraz, oso litekeena da hirugarren gadua ezartzea—. Epaia kaleratu denetik, bi hilabeteko epea dute horretarako.

Urrats horiek eginda, baina, desadostasuna agertzeko aukera du fisklatzak. Erabakiaren kontrako helegitea jar lezake Bartzelonako Lurralde Auzitegian, eta hango Espetxe Zaintzako epaileak hartuko luke erabakia. Epaile hori Espainiako Botere Judizialak aukeratutakoa da, eta, beraz, litekeena da hark hirugarren graduaren aurka egitea. Dena den, hala egingo ez balu, fiskaltzak aukera izango luke epaia eman duen auzitegiari erabakia aldatzeko eskatzeko. Beraz, gaurko epaia sinatu duten zazpi magistratuek izango lukete azken hitza, alegia, Manuel Marchenak gidatzen duen Auzitegi Goreneko Zigor Salak.

Epaileek hirugarren graduaren kontra ebazten badute, kartzelara itzuli beharko lukete presoek, eta litekeena da fiskalak hori baliatzea horiek Espainiako espetxe batera eraman ditzaten eskatzeko. Hori gertatu zen Oriol Pujolekin, esaterako: Espetxe Zuzendaritzak hirugarren gradua ezarri zion kartzelara bidali eta bi hilabetera, baina fiskalak helegitea jarri zuen, eta epaileak hura kartzelatzeko agindu zuen.  

Presoek bigarren graduan jarraituko balute —erregimen arruntean—, irteera baimenak lortzeko aukera izango lukete: asteburuetan edo jaiegunetan. Halaber, bigarren graduan egonik, hirugarren gradurako progresiorako aukera lukete, irteera baimenak lortu ez ezik baldintzapean aske ere geratu ahal izateko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bidaiari gutxi batzuk Londresko Heathrow aireportuko korridore batean, iragan astelehenean. ©NEIL HALL / EFE

Birus mugagabea nola mugatu

Julen Aperribai

Erresuma Batuak eta Europako Batasuneko zenbait herrialdek bidaiarien mugimenduak murrizteko eta kontrolatzeko neurriak zorroztu dituzte, koronabirusaren aldaera berrien hedapena galarazteko. Txertoa jaso izana herritarren joan-etorriak baimentzeko irizpidetzat hartzea proposatu du Greziak.

«Ezin zaio kasuen igoera, itsu-itsuan, aldaera berriari soilik egotzi»

«Ezin zaio kasuen igoera, itsu-itsuan, aldaera berriari soilik egotzi»

Julen Aperribai

Imazek dioenez, Erresuma Batuan atzemandako birusaren aldaera izan da transmisioa azkartu duten faktoreetako bat, baina ez bakarra. Haren arabera, ospitaleratzeak etengabe hazi dira herrialdean, azaro amaieratik.

Varanda koroa, 2017an, Xuxako katedralean; bi aldiz bonbardatu dute. ©J. C. V.

Gutunik ez Xuxatik

Joan Cabases Vega

Libanon, milaka armeniar negarrez ari dira Azerbaijanen kontra porrot egin dutela-eta Karabakh Garaiko gerran, eta atzerapausotzat daukate beren existentziaren aldeko borrokan.
Pakistanen Shaheen-2 misil nuklearraren artxiboko irudia. ©EFE

Arma nuklearrak debekatzeko ituna indarrean sartu da gaur, 51 herrialdetan

Gorka Berasategi Otamendi

Ez dute hitzarmena sinatu arma nuklearrak dituzten herrialdeek. AEBek Errusiarekin duten akordio nuklearraren berritzea negoziatuko dute; otsailaren 5ean amaituko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna