Mobilizazioak Euskal Herrian

Ostiralerako mobilizazioak iragarri ditu gehiengo sindikalak

ELA, LAB, Steilas, ESK, Etxalde eta Hiru sindikatuek agerraldia eta elkarretaratzea egin dute Bilbon. "Errepresioak eta mendekuak ez dute azken hitza izango", adierazi dute.

Sindikatuen agerraldia
Sindikatuen agerraldia Marisol Ramirez / Foku

Gotzon Hermosilla -

2019ko urriak 16

Sindikatuek adierazi dutenez, Espainiako estatuak "mezu beldurgarria" helarazi nahi izan du epaiaren bidez: "Gure etorkizunari buruzko erabakia noizbait hartzeko itxaropena galarazi nahi izan du; erakusten ari dira nola joko duten edonoren kontra". Baina horren aurrean azaldu nahi izan dute "eskarmentuak, errepresioak eta mendekuak" ez dutela "azken hitza" izango.

LABeko idazkari nagusi Garbiñe Aranburuk esan du epaiak agerian uzten duela "Espainiako Estatuaren izate antidemokratikoa", eta horren aurrean ez dagoela "jarrera distantziakiderik" izaterik: "Edo demokraziaren alde gaude, edo autoritarismoa elikatzen dugu".

Autodeterminazioaren aldeko gehiengo bat dagoenean, hura gauzatzea "denbora kontua" da, Aranbururen esanetan: "Guk denborak laburtu nahi ditugu, demokrazian sakontzea eta burujabetzan aurrera egitea ere badirelako sindikatuok lortu nahi dugun bizitza duinagoaren aldeko borrokaren pare bat".

ELAko idazkari nagusi Mitxel Lakuntzak esan du epaiaren xedea dela "1978tik sortu den mugimendu errepublikano eta demokratikorik indartsuena itotzea", eta "beharbada" epaia "Espainiako Erregea" hasi zela idazten erreferendumaren osteko agerraldi publikoa egin zuenean.

Lakuntzak "ezin justifikatuzkotzat" jo ditu buruzagi independentisten kontrako zigorrak, baina bereziki gogorarazi du akusatuetako batzuei bederatzi urteko kartzela zigorrak ezarri dizkietela "soilki manifestazioak antolatzeagatik". "Horrek erakusten du estatuaren eskaintza bakarra ukapena eta errepresioa dela". Kataluniako eragile politikoak zoriondu ditu, "pultsu politikoari" eusten ari direlako, "Euskal Herrian ez bezala".

Sindikatuek elkarretaratzeak egingo dituzte ostiralean lantokietan.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna